थारू विद्यार्थी सभा पुल्चोक इन्जनियरिङ क्याम्पसले पुस २७ गते सांस्कृतिक कार्यक्रम आयोजना गर्ने भएको छ। थारू विद्यार्थीहरूलाई एकताबद्ध गर्ने उद्देश्यले थारू विद्यार्थी सभाले पुल्चोक क्याम्पसमा वार्षिक सांस्कृतिक कार्यक्रम गर्न लागेको हो।

पुल्चोक शाखाका सभापति चन्दन चौधरीका अनुसार थारू संस्कृतिको प्रवर्द्धन गर्न र थारू विद्यार्थीलाई एकताबद्ध गर्ने गरी कार्यक्रम आयोजना गर्न लागिएको हो। कार्यक्रममा थारू विद्यार्थीहरूलाई इन्जिनियरिङतर्फ आकर्षित गर्ने, थारू आरक्षणका विषयमा जानकारी दिने उनको भनाइ छ।

थारू विद्यार्थी सभा पुल्चोक शाखाले प्रत्येक वर्ष सांस्कृतिक कार्यक्रम आयोजना गर्दै आएको छ।