बालेनको ‘कोर टिम’मा सुरेन्द्र चौधरी, झापादेखि कञ्चनपुरसम्मको चुनावी रणनीति बनाउँदै
राष्ट्रिय स्वतन्त्र पार्टीका नेता एवं थरुहट अभियन्ता सुरेन्द्र चौधरी भावी प्रधानमन्त्रीा उम्मेदवार बालेन्द्र शाह (बालेन)को ‘कोर टिम’ सहभागी हुने भएका छन्। बालेनको देशव्यापी चुनावी अभियानमा उनी कोर टिममा रहेर काम गर्नेछन्।
काठमाडौंका मेयरबाट राजीनामा दिएर बालेनले जनकपुरबाट चुनावी अभियान थाल्ने तयारी गरेका छन्। नेकपा एमालेका अध्यक्ष केपी शर्मा ओलीविरुद्ध झापा-५ मा उम्मेदवारी दिने तयारी गरेका बालेनको टिममा नेता सुरेन्द्रले उनको रणनीतिक भूमिकामा रहने बताइएको छ।
बालेन तराई क्षेत्रमा रहेका थारु बाहुल्य क्षेत्रमा पनि विशेष भ्रमण गर्दैछन्। हालै थरुहट नेताहरू सुरेन्द्र चौधरी, लक्ष्मण चौधरीलगायत रास्वपामा प्रवेश गरेका थिए।
रास्वपामा समायोजन भएपछि नेता सुरेन्द्र चौधरीले आगामी निर्वाचनको रणनीतिक भूमिका सक्रिय रहँदै आएाक छन्। बालेन सहभागी हुने झापादेखि कञ्चनपुरसम्मको यात्रामा उनले थारू बाहुल्य क्षेत्रको चुनावी रणनीति पनि तय गर्नेछन्।
नेता चौधरी रास्वपाको समातुपातिकतर्फ थारू कलस्टरमा पहिलो नम्बरमा छन्।
Facebook Comment