नेपाली कमन्युनिस्ट पार्टीले मोरङ ४ मा अमनलाल मोदीलाई उम्मेदवार बनाउने निर्णय गरेको छ। प्रभावशाली थारू नेता मोदीले संसदीय इतिहासमा चौथो जितका लागि उम्मेदवारी दिन लागेका हुन्।

यसअघि उनी सोही क्षेत्रबाट तीनपटक निर्वाचित भइसकेका छन्। निवर्तमान सांसद मोदीले अघिल्लोपटक एमाले उम्मेदवार विनोदकुमार ढकाललाई पराजित गरेका थिए। मोदीले ३० हजार ६१२ मत ल्याउँदा ढकालले २४ हजार ४६३ मतमात्र ल्याएका थिए।

मोदीले २०७४ कांग्रेसका प्रभावशाली नेता महेश आचार्यलाई ६ हजार ७ सय २९ मतले पराजित गर्दै संसद् यात्रा तय गरेका थिए। त्यसबेला मोदीले ३३ हजार ५ सय २९ मत ल्याएका थिए। उनका प्रतिस्पर्धी कांग्रेसका आचार्यले २६ हजार ८ सय मत पाएका थिए। त्यसअघि उनी संविधानसभा सदस्य निर्वाचन २०७० मा समानुपातिक सभासदमा चयन भए।