गायक आरके थारूले आफ्नै ब्यान्ड बनाएका छन्। उनको ब्यान्डले पहिलोपटक चितवनको खिचरा महोत्सवमा आफ्नो प्रस्तुती दिँदैछ।

उनले आरके थारू एन्ड संघाति ब्यान्ड सुरू गर्न लागेका हुन्। थारू सांगीतिक क्षेत्रमा छुट्टै पहिचान बनाएका आरके थारूले थुप्रै हिट गीतहरू दिएका छन्। उनले थारू म्युजिक भिडियोमा अभिनय पनि गरेका छन्।

ब्यान्डका म्यानेजर नितेश चौधरीले लाइभ पर्फमेन्सको क्रेज बढेपछि ब्यान्ड बनाउनुपरेको बताए। यो ब्यान्डले थारू मौलिक सँस्कृतिलाई आत्मसात गर्दै आधुनिक शैलीलाई पछ्याउँदै अगाडि बढ्ने तयारी गरेको छ। आरकेका अनुसार यसले आफ्नो पहिलो प्रस्तुती माघ १० गते खिचरा महोत्सवमा दिँदैछ।