Author: admin

नेपाली कांग्रेसका नेता उपप्रधानमन्त्री बिजयकुमार गच्छदारले आज दिउँसो दुहवी नगरपालिका–२ तुताहास्थित नवीन निकेतन शिक्षा विद्यालयको मतदान केन्द्रबाट मतदान गरेका छन् । उपप्रधानमन्त्री गच्छदारको निकटतम प्रतिद्वन्द्वी नेकपा (एमाले) वैकल्पिक केन्द्रीय सदस्य एवम् पूर्वराज्यमन्त्री भगवती चौधरीले पनि सोही मतदान केन्द्रबाट ‘ख’ मतदान गरिन्। Continue reading “भोट हाल्दै गच्छदारले भने- ‘सबै निरासालाई यो चुनावले अन्त्य गर्छ’”

बिना विभागीय मन्त्री सन्तकुमार थारुले बारबर्दिया नगरपालिका–२ स्थित जोगीगाउँमा रहेको युवक माविको केन्द्रबाट मतदान गरेका छन् । भूमिसुधार मन्त्री गोपाल दहितले राजापुर नगरपालिका वडान–२ मा रहेको ज्ञानोदय प्रावि सोहरिया मतदान केन्द्रबाट मतदान गरेका छन् । Continue reading “बर्दियाका २ का प्रतिनिधिसभा उम्मेदवार दहित र चौधरीले गरे मतदान”

मुलुकका ४५ जिल्लामा दोस्रो चरणको प्रतिनिधिसभा र प्रदेशसभा सदस्य निर्वाचनको मतदान कार्य अहिले बिहान ७ बजेदेखि शुरु भएको छ ।संविधानसभाबाट जारी भएको नेपालको संविधानको कार्यान्वयनको महत्वपूर्ण खुड्किलाका रुपमा हुँदै गरेको यो निर्वाचनमा एक करोड २२ लाख ३५ हजार ९९३ मतदातालाई मतदानको अधिकार रहेको छ । Continue reading “थरुहट क्षेत्रसहित ४५ जिल्लामा उत्साहपूर्ण मतदान हुँदै”

थारु फिल्मस् प्रोडक्सन प्रालिका प्रबन्ध निर्देशक एवं समावसेवी रामलाल चौधरीलाई पितृशोक परेको छ। उनका बुबा छेदिलाल चौधरीको बुधबार राति १२:४५ बजे ७५  वर्षको उमेरमा निधन भएको हो। Continue reading “समाजसेवी रामलाल चौधरीलाई पितृशोक”

नयाँ संघीय संरचनाअनुसार अब बन्ने केन्द्रीय संसद्मा दुई थरी राजनीतिक दलले प्रतिनिधित्व गर्दैछन् । तीन प्रतिशत थ्रेस होल्डका कारण एक थरी राष्ट्रिय मान्यता प्राप्त दल र अर्को थरी सामान्य राजनीतिक दलका हैसियतमा प्रतिनिधिसभा प्रतिनिधित्व गर्दैछन् । Continue reading “अबको संसदमा दुई थरी दल”

कैलाली क्षेत्र नम्बर १ का राष्ट्रिय जनता पार्टी नेपालका तर्फबाट प्रतिनिधि सभाका उम्मेदवार रेशम चौधरीले ब्यालेट बक्स कसरी जोगाउने चिन्ता भइरहेको बताएका छन्। मौन अवधि सुरु हुनुअघि थारुवानसँग कुरा गर्दै उनले आफ्नो पक्षमा जनलहर रहेको र आफू जसरी पनि विजय हुने बताए। Continue reading “कैलाली १ मा जित्‍ने रेशमको दाबी, ब्यालेटबक्स जोगाउन चिन्ता”

प्रदीप चौधरी

आफूसँग धेरै ब्यक्तिहरुको फोन नं रहेको र उनीहरुबाट समग्र जिल्लाको मतदाता शिक्षा र चुनावको अबस्थाबारे जानकारी लिने काम गरिरहेको थिएँ । तर दिएको जानकारी सही हो वा होइन बिश्वास गर्न गार्हो भैरहेको थियो । अाफू नगएसम्म के हो ? के हो ? भन्ने लागेर ०७४ मंसिर ९ र १० गते कैलालीको क्षेत्र नं ३, १ र २ को अनुगमन गरियो । Continue reading “अनुगमन रिपोर्ट भन्छ- ‘दमनको फाइदा रेशम र लक्ष्मणलाई’”

कृष्णराज सर्वहारी।
डोसर चरणके प्रदेश ओ प्रतिनिधि सभाके चुनाव फेन आब् ढेर डिन नैहो । इहे अघन २१ गटे तराई थरुहट क्षेत्रमे चुनाव हुइ जाइटा । खासकैके प्रतिनिधि सभाके चुनावमे प्रत्यक्ष उमेदवार थारु नेताः के कट्रा पानीम् बा ? यकर संक्षिप्त विस्लेसन कर्ना यि लेखके मकसद हो । Continue reading “थरुहट राजनीतिके चंगा : लट्टाइ औरेक हाँठमे”

लखन चाैधरी/धनगढी।

चुनावी घरदैलो कार्यक्रम गरिरहेको बेला कैलाली निर्वाचन क्षेत्र नम्बर ३ बाट उम्मेदवारी दिएका दुई पूर्वमन्त्रीहरुबीच आज (आइतबार) जम्काभेट भएको छ । कैलारी गाउँपालिका–२ बसौटी गाउँमा घरदैलोको क्रममा पूर्वकृषि मन्त्री गौरीशंकर चौधरी र पूर्वस्वास्थ्य मन्त्री रामजनम चौधरीबीच भेटघाट भएको हो । पूर्वकृषि मन्त्री गौरीशंकर चौधरी वामगठबन्धनबाट प्रतिनिधि सभा सदस्यको लागि उम्मेदवारी दिएका छन् । भने पूर्वस्वास्थ्य मन्त्री रामजनम नेपाली काँग्रेसबाट उम्मेदवारी दिएका हुन् । Continue reading “जब यी दुई प्रतिस्पर्धीकाे जम्काभेट भयाे !”

कैलाली निर्वाचन क्षेत्र नम्बर ३ बाट वामगठबन्धनको तर्फबाट प्रतिनिधि सभा सदस्य निर्वाचनको लागि प्रत्यक्षतर्फ उम्मेदवारी दिएका ३६ वर्षीय गौरीशंकर चौधरी पूर्वकृषि मन्त्री हुन् । कैलारी गाउँपालिका–२ बसौटीका स्थानीय समेत रहेका चौधरी ०५३ सालदेखि आफ्नो राजनीतिक यात्रा सुरु गरे । तत्कालीन नेकपा माओवादीले सञ्चालन गरेको सशस्त्र जनयुद्धको क्रममा ०५५ मा जनमेलिसिया, ०५६ देखि ०६१ सम्ममा उनी स्क्वाइट (शैन्य दस्ता), सेक्सन कमाण्डर, प्लाटुन कमाण्डर, कम्पनी कमाण्डर, बटालियन कमाण्डरसम्मको भूमिका निर्वाह गरे । ०६३ देखि माओवादी केन्द्रको केन्द्रीय सदस्य र ०७३ देखि पोलिटब्यूरो सदस्यसमेत रहेका चौधरीसंग लखन चौधरीले चुनावी गतिविधिवारे गरिएको कुराकानीको सम्पादित अंशः

चुनावी मैदानमा हुनुहुन्छ, जनताको गुनासो के छ ?
जनताको मुख्य माग नै विकास हो । किन विकास भएन भन्ने प्रमुख अहिलेको पूमुख जनगुनासो हो । संक्रमण काल अझै जारी रहेकोले र स्थायी सरकार नभएकै कारण विकासले हालसम्म गति लिन सकेको छैन । इन्डियामा हेर्नुस् मोदीले अझै पाँच वर्षे आफ्नो सरकार चलाई रहनु भएको छ । मजाले आफ्नो भिजनसहित सरकार चलाई रहनुभएको छ । तर यहाँ हेर्नुस् ६÷६ महिनामा सरकार परिवर्तन हुन्छ । ०७० सालयता नेपालमा चार जना प्रधानमन्त्री भैसके । जसकारण यहाँ विकास हुन नसकेको हो ।

त्यसैले हामीले जनतालाई अनुरोध गरिरहेका छौ, वामगठबन्धनले बहुमत ल्याएमा, दुई तिहाईको सरकार बनाएमा हामी पाँच वर्षमा नयाँ विकास, नयाँ गति, नयाँ परिणाम दिन सक्छौ । आफ्नो कार्यक्रमलाई नमूनाको रुपमा अगाडी बढाउन सक्छौ । यो विषयलाई हामी जनतामाझ राख्दै आएका छौ ।

तपाईको मुख्य एजेण्डा के–के हुन ?
हाम्रो मुख्य एजेण्डा संविधान कार्यान्वयन हो । दोस्रो विषय, विकास निर्माण हो । यो चुनाव नै विकास निर्माणकै लागि हो । यसमा भौतिक संरचना निर्माण, पूल पुलेसो निर्माण, कृषि, खानेपानी, स्वास्थ्य, शिक्षालगायत आउँछन् । मैले प्राथमिकताका साथ भन्ने गरेको छु, जबसम्म राज्यले कृषि क्षेत्रमा लगानी गर्दैन तबसम्म कृषि क्षेत्रमा आधुनिकीकरण हुनै सक्दैन, देश समृद्ध बन्नै सक्दैन ।

फलतः मैले कृषिमन्त्री भएको छोटो अवधीमा प्रधानमन्त्री कृषि आधुनिकीकरण परियोजना लागु गरेको छु । राज्यले कृषि क्षेत्रमा लगानी गर्नुपर्छ । साना किसानको समृद्धिले अर्थतन्त्र बजबुट बनाउँछ । अर्कोतिर राज्यले ऊर्जा क्षेत्रमा लगानी बढाउनुपर्छ । आज हाम्रो यहाँ नदी किन भयो भनेर भन्ने अवस्था छ । हामी सदुपयोग गर्न सकेका छैनौ । सदुपयोग भएको खण्डमा देशको अर्थतन्त्र त्यसै बलियो भैहाल्यो नि । जडिबुटी, पर्यटन, खानीमा लगानी गरे प्रर्याप्त सम्भावना छ । त्यसैले यी सम्भावनाको उजागर गर्ने र निकास खोज्ने नै मेरो एजेण्डा हुन् ।

तपाईको जित्ने आधार के हो ?
हामी निरन्तर जनताको सुख–दुखमा साथ दिएका छौ । संगै नमूना विकासका कार्यक्रम गरेर देखाई सकेका छौ । उदाहरणको लागि उदासीपुरमा प्रधानमन्त्रीले आधुनिकीकरण कार्यक्रम अन्तगरगत गोहु सुपर जोन स्थापना, घोडाघोडीको १ देखि ९ वडा र मुनुवा थापापुर, जोशीपुर जोडेर तेलहन जोन कार्यक्रम राखिसकेका छौ । पवेरामा धान ब्लग राख्यौ । जिल्लाभरी माछा ब्लग कार्यक्रम । भजनी, धनगढीलगायत क्षेत्रमा कृषिका विभिन्न ब्लग राखेका छौ । तत्कालीन आफ्नो क्षेत्रसहित विभिन्न स्थानमा अर्टिजन बोरिङ, सिचाई कुलो सञ्चालन गरेको छु । पहलमानपुरमा तीन हजार मेट्रिक टन क्षमताको कोल्ड स्टोरको योजना ल्याएको छु । जुन सुदूरपश्चिममै सबभन्दा ठूलो कोल्ड स्टोर हो । कैलालीमै स्थापना हुने गरी पाँच हजार मेट्रिक टन क्षमताको कोल्ड स्टोर निर्माण गर्ने निर्णय मन्त्री परिषदबाट गराएको छु । अर्को अत्तरियामा पनि कोल्ड स्टोर बनाउने निर्णय गराएको छु । बाढी नियन्त्रण तथा वस्ती व्यवस्थापनको लागि कान्द्रामा ६ करोडको आयेजना लागु गरेको छु ।

मैले मन्त्री भएको बेला रसायनिक मलको मूल्य घटाएको छु । मैले पहिलो पटक मन्त्री भएको बेला किसान आयोग बनाई दिएको छु, जुन संवैधानिक एंव पावरफुल आयोग हो । मैले किसान पेन्सनको योजना पनि बनाएको छु । हाम्रो सरकार बन्ने बित्तिकै किसान पेन्सनको कार्यक्रम लागु हुन्छ । जुनकारण मेरो जित्ने प्रयाप्त आधार छ ।

अर्कोतिर, मेरो प्रतिश्पर्धी काँग्रेस उम्मेदवार रामजनम चौधरी २६ वर्ष जितेर जानु भएको छ । उहाँ हालको ३ नम्बर क्षेत्रको पनि होइन । उहाँले जनतालाई ठग्ने काम मात्रै गर्नु भएको छ । मलाई अन्तिम पटक जिताई देउ भनेर धेरै पटक आए, तर केही गरेनन् । त्यो सब जनताले हेरिरहेका छन् । म यहाँको लोकल व्यक्ति हो, रामजनम यहाँको लागि पर्यटक हनु । दुई÷चार दिनको पहुना हुन् । उहाँले केहि नगरेकोले उहाँको लागि यहाँ ठाउँ नै छैन । अर्कोकुरा ३ नम्बर क्षेत्र कम्युनिष्टको गढ हो । यस क्षेत्रभित्र पर्ने कैलारी गाउँपालिका, घोडाघाडी नपा र भजनी नपामा स्थानीय निर्वाचनमा हामीले नै जीतेका छौ । यो क्षेत्र हाम्रो लालकिल्ला हो । जसले गर्दा हाम्रो हार्ने ठाउँ छैन ।

अबको मेरो अभियान यो क्षेत्रमा सिचाइँको व्यवस्था गर्ने, पुल पुलेसो बनाउने, खानेपानी बनाउने हो । सञ्चार, विद्युत, स्तरिया शिक्षा, सबै ठाउँमा पु¥याउने अभियान रहन्छ । निजी शिक्षकहरुको समस्या व्यवस्थापन गर्ने योजना गर्ने हाम्रो योजना हो ।

तपाईहरु पहिचानको मुद्धा धेरै उठाउनु भो, अहिले बिर्सिएकै हो ?
धेरैको जिज्ञासा यहि हो । हामीले उठाएको मुद्धा सकिएको छैन, जारी रहन्छ । भारतमा १३ प्रान्तबाट सुरु भएको थियो, अहिले २९ संघीय प्राप्त पुगेको छ । यहाँ उठेको पहिचान, संघीयताको मुद्धा कायमै छ । छलफलमै छ । एक दिनमा हल हुने हैन । आज उठायो, भोलि हुने मुद्धा होइन । बहसमा गैसकेकोले कुनै दिन यसको हल अवश्य हुन्छ ।