काठमाडौं : नवनिर्वाचित प्रतिनिधिसभा सदस्यले पद तथा गोपनियताको सपथ लिएका छन्। बिहीबार सिंहदरबारस्थित नयाँ संसद भवनको बहुउद्देश्यीय हलमा प्रतिनिधिसभाका ज्येष्ठ सदस्य अर्जुननरसिंह केसीले नवनिर्वाचित प्रतिनिधिसभा सदस्यहरुलाई पद तथा गोपनीयताको सपथ गराए।

सङ्घीय संसद् सचिवालयका अनुसार ४७ जनाले नेपालीबाहेक भाषामा शपथ लिएका छन्। नेपालको संविधानको धारा ९९ र ९१ को उपधारा ५ तथा प्रतिनिधिसभा सदस्य निर्वाचन ऐन, २०७४ को दफा ७५ बमोजिम पद तथा गोपनीयताको शपथ लिने व्यवस्था छ।

समारोहमा सप्तरीका अमरकान्त चौधरी, सुनसरीका अशोककुमार चौधरी, कञ्चनपुरका गीता चौधरी, मोरङका प्रमिलाकुमारी गच्छदार र दाङका सुरेन्द्र चौधरीले थारु भाषामा शपथ गर्दै छन्। कैलालीकी करिस्मा कठरियाले कठरिया थारुमा शपथ लिनको लागि नाम टिपाएकी छन्। त्यस्तै कञ्चनपुरका कृपाराम रानाले राना थारु भाषा शपथ लिने भएका छन्।

गत फागुन २१ गते सम्पन्न प्रतिनिधिसभा सदस्यको निर्वाचनमा राष्ट्रिय स्वतन्त्र पार्टीले १८२, नेपाली कांग्रेसले ३८, नेकपा (एमाले)ले २५, नेपाली कम्युनिस्ट पार्टीले १७, श्रम संस्कृति पार्टीले सात र राष्ट्रिय प्रजातन्त्र पार्टीले पाँच सिट प्राप्त गरेका छन्।