Author: admin

राम दास चौधरी

नेपालमा लामो संघर्ष पछि संविधान लेखिँदैछ। नेपालको इतिहासमा विभिन्न काल खण्डमा नेपाल गरिब हुनुको कारण के? नेपाली गरिब हुनुको कारण के? नेपाल विकासमा पछि पर्नुको कारण के? भन्ने विषयमा लामो छलफल र बहसहरु चल्दै आए। लामो बहसको क्रममा धेरैले धेरै थरी विचारहरु प्रस्तुत गरेको पाइन्छ। विकासकर्मीहरुले विकासेभाषामा विश्लेषण गरे, राजनीतिकर्मीले राजनीतिक तरिकाले विश्लेषण गरे, योजनाकारहरुले योजनाको आधारमा विश्लेषण गरे। Continue reading “नयाँ संविधानमा शोषित पीडितको आवाज मुखरित होला?”

विश्वमणि पोखरेल

भदौ ७ मा छुट्टै प्रदेश माग्दै थरुहट/थारूवान संघर्ष समितिले आह्वान गरेको आन्दोलन क्रममा एक उच्च प्रहरी अधिकारीसहित ८ जना सुरक्षाकर्मी र एक जना नाबालकको हत्या भयो। सोही पृष्ठभूमिमा कैलालीको टीकापुर स्थलगत रिपोर्टिङमा जाने कार्यक्रम तय भयो। कर्फ्यु, निषेधाज्ञाको मारमा रहेको कैलालीको यात्रा आफैंमा चुनौतीपूर्ण थियो। यात्रामा निस्कनुअघि मध्य र सुदूरपश्चिमका तराईका जिल्लामा बस्ने थारूहरूको जनसंख्याबारे जानकारीमूलक कागजात आवश्यक हुने ठानेँ। Continue reading “थारुको जनसंख्यामा त्रुटि”

मधेसी जनअधिकार फोरम लोकतान्त्रिकका केन्द्रीय सदस्य लक्ष्मण थारूसहित ४ जना पक्राउ परेका छन्। प्रहरीले थारूलाई भैरहवा र विकास चौधरी, दिलीप चौधरी र लिखाराम चौधरीलाई टीकापुरबाट प्रहरीले बुधबार पक्राउ गरेको हो। Continue reading “टीकापुरमा थप तीन जना पक्राउ, पक्राउ पर्नेको संख्या २० पुग्यो”

सीमाङ्कनप्रति असन्तुष्ट बिभिन्न दल तथा समुहको माग बारे प्रमुख दलका शीर्ष नेताहरुले भोलि सम्बोधन गर्ने भएका छन् । राजधानीको नयाँ बानेश्वरस्थित संविधानसभा परिसरमा आज बसेको कंग्रेस, एमाले र एकीकृत माओवादीको बैठकमा सो बारे छलफल भएको हो । संविधान बिधेयकमाथि संसोधन प्रस्ताव प्रस्तुत भएपछि भोलि बस्ने संविधानसभा बैठकबाट असन्तूष्ट समुहको मागबारे शीर्ष नेताहरुले सम्बोधन गर्ने तयारी गरेका हुन् । Continue reading “आन्दोलनरत पक्षलाई वार्तामा आउन अन्तिम अवसर”

मधेसी जनअधिकार फोरम, नेपाल (लोकतान्त्रिक)का अध्यक्ष विजय कुमार गच्छदारले यही प्रक्रियाभित्रैबाट सहमति नखोजे थारु समुदाय र मधेसी जनता सीमापारी गएर शरण लिने चेतवानी दिएका छन्। बुधबार लोकतन्त्र र शान्तिका लागि पेशागत सञ्जाल (पापड)का प्रतिनिधिहरुसँग उनले त्यस्तो धारणा व्यक्त गरेका हुन्। Continue reading “गच्छदारको प्रश्न- कैलाली-कञ्चनपुरका ५ लाख थारु सीमापारी शरण लिए भने?”

प्रदर्शनकारी र प्रहरीबीच झडप हुँदा सिरहाको लहानमा बुधबार साँझ प्रहरीले तीन राउण्ड हवाई फायरसहित केही सेल अश्रुग्यास प्रहार गरेको छ। प्रदर्शनकारीले पूर्व पश्चिम राजमार्ग अन्तर्गत लहान खण्डको पश्चिम ट्राफिक चोक नजिक रुख ढालेर साँझ ५ बजे सडक अवरुद्ध गर्न खोज्दा प्रहरीले रोक्ने क्रममा झडप भएको थियो। झडपका क्रममा स्थिति नियन्त्रणमा लिन प्रहरीले तीन राउण्ड हवाई फायर र केही सेल अश्रुग्यास प्रहार गरेको सिरहाका एसपी रामकृपाल साहले जानकारी दिए। अहिले लहान तनावग्रस्त छ। प्रदर्शनकारीले ढुंगा प्रहार गरिरहेका छन्। झडप जारी छ। Continue reading “लहान पनि तनावग्रस्त”

सीमांकन बिरुद्ध आन्दोलनरत संयुक्त थरुहट संर्घष समितिका बाँके संयोजक चन्द्रबहादुर चौधरी लगायतका अगुवाहरु आन्दोलनबाट अलग्गिएका छन् । उनीहरुले सडक संर्घष त्यागेर शान्तिपुर्ण आन्दोलनलाई निरन्तरता दिने घोषणा गरेका हुन् । एमाले सचिवालय सदस्य समेत रहेका चौधरीको नेतृत्वमा बिगत २८ दिनदेखि बाँकेमा अनिश्चितकालीन बन्द हुदै आएको थियो । Continue reading “एमाले नेता एवं बाँके संयोजक चन्द्रबहादुर चौधरी आन्दोलनबाट अलग्गिए”

नवलपरासीको बर्दघाटमा प्रहरी र प्रदर्शनकारीबीच झडप भएको छ । स्थिति नियन्त्रणमा लिन प्रहरीले दुई राउण्ड अश्रुग्यास प्रहार गरेको छ । थरुहट-थारुवान तथा आदिवासी जनजाति संयुक्त संघर्ष समितिको विरोध सभामा सहभागीहरुले ढुंगा प्रहार गरी गुडिरहेको लु १ ख ८७२० नम्बरको मिनीमाइक्रो बसको सिसा फुटाइदिएपछि प्रहरीले लाठीचार्ज गरेको थियो । त्यसपछि स्थिति तनावग्रस्त भएको थियो । Continue reading “बर्दघाटमा थारु आन्दोलनकारी र प्रहरीबीच झडप”

एकीकृत माओवादीका अध्यक्ष पुष्पकमल दाहालले पार्टीभित्रका मधेसी र थारु समुदायका नेतासँग छलफल गरेका छन्। छलफलको अन्तिममा प्रचण्डले पार्टीको निर्णय मान्न आग्रह गरेका छन्। ‘तपाईहरुका कुरा सुनियो, सकेसम्म वार्ताको वातावरण बनाउने प्रयास गर्छौं’ दाहालले थारु र मधेसी नेताहरुलाई भने, ‘तर तपाईहरु पार्टीको निर्णय मानिदिनुहोला।’ Continue reading “थारु र मधेसी नेतालाई पार्टीको निर्णय मान्न दाहालको आग्रह”