Author: Madan Kumar

पूर्वमन्त्री एवं थारु मुक्ति मोर्चाका संयोजक सन्तकुमार चौधरीले प्रधानमन्त्री केपी शर्मा ओलीलाई शन्की प्रधानमन्त्रीको रुपमा चित्रण गरेका छन्। Continue reading “बीसौं लाख थारुहरुले केपी ओलीलाई बालुवाटारबाट फ्याँक्नेछन् : सन्तकुमार थारु”

थरुहट/थारुवान आन्दोलन र टीकापुर घटनाबारे सुन्नै नचाहने र बोल्नै नचाहने संघीय सरकारका उद्योग वाणिज्य तथा आपुर्ति मन्त्री लेखराज भट्टले अन्ततः मुख खोलेका छन्। Continue reading “टीकापुर घटनाका योजनाकार रेशम चौधरी होइनन्, अरु नै छन् : मन्त्री लेखराज भट्ट”

जनता समाजवादी पार्टी नेपालका अध्यक्ष महन्थ ठाकुरले रेशम चौधरीको रिहायका लागि प्रधानमन्त्री केपी शर्मा ओलीसँग कुरा गर्न जाँदा आफूलाई सरकारमा आएर गठबन्धन बनाउन लालच दिएको बताएका छन्।

आफ्ना पार्टीका नेता रेशम चौधरी लगयातका व्यक्तिहरु थुनामा रहेको भन्दै उनीहरुको रिहाइका लागि आफू छलफल गर्न जाँदा प्रधानमन्त्री ओलीले सिधै सरकारमा आउन भनेको अध्यक्ष ठाकुरको भनाइ छ।

भिडियो हेर्नुस्:

यो अहिले मात्र नभइ जतिपटक उनीसँग कुरा गर्न जाँदा मन्त्री तथा सरकारको लोभ दिने गरेको उनले बताए। टीकापुर राजबन्दी रिहाइ राष्ट्रिय अभियानले शनिवार आयोजना गरेको टीकापुर प्रकारणः विद्रोह, विभेद र विकल्प सवाल, सम्वाद र निकासको विषयमा आयोजना गरेको कार्यक्रममा उनले आफ्ना पार्टीका सांसद तथा नेता जेलमा रहनेका बेला पार्टी सरकारमा नजाने भन्दै पहिला उनीहरुलाई रिहाइ गरिए छलफल गरौला भनेर आएको बताए।

‘शासकहरु जहिले पनि आफूलाई विजय नै ठान्छन् र शासितमाथि शासन गरिरहेका छन्। दरवार हत्याकाण्ड बाहिरबाट भएको होइन, भित्रैबाट भएको हो, यसबाट पुष्टि हुन्छ कि शासकहरु कति क्रुर हुन्छन्। देशको पोल्टिक्स जहिले पनि काटमारको पोल्टिक्स रह्यो,’ उनले भने, ‘सुरुदेखि आजसम्म हेर्नु हिंसामात्र भएको छ। शासकले त्यही नजरले शासितलाई हेर्ने गरेका छन्।’

टीकापुरको घटना पनि त्यसैको उपज रहेको उनले बताए। टीकापुर घटनाको विषयलाई लिएर आफूले थुप्रै पटक सबै प्रधानमन्त्रीहरुलाई भेटेको बताउँदै अध्यक्ष ठाकुरले सबैले टीकापुरका थारुहरु निर्दोष भनेका तर उनीहरुलाई रिहाइ गर्न नचाहेको बताए।

मैले हरेकलाई भन्दै आएको हुँ कि तपाईँहरुको रवैयाले गर्दा मधेशीहरु तपाईँहरुको हातबाट निस्केका छन्। यस्तै रह्यो भने मधेस पनि रहँदैन। तैपनि उनीहरु मुद्दाप्रति गम्भीर छैनन्।