थारू विद्यार्थी समाजको महाधिवेशनको तयारी पूरा भएको छ। नपलपुरको डण्डामा शनिबारदेखि सुरू हुने महाधिवेशनको तयारी पूरा भएको समाजले जानकारी दिएको छ।
समाजले शुक्रबार पत्रकार सम्मेन गर्दै महाधिवेशनको तयारीबारे जानकारी गराएको थियो। जसअनुसार शनिबार विहान ११ बजेदेखि झाँकी र्याली सुरू हुनेछ। डण्डामा हुने झाकी र्याली थारु म्युजिमसम्म जाने र उद्घाटन सत्र सुरू हुने समाजले जानकारी दिएको छ।
तीन दिनसम्म चल्ने महाधिवेशनको बन्द सत्र पनि शनिबार साँझदेखि गर्ने तयारी रहेको समाजले जनाएको छ। समाजको सातौं महाधिवेशनमा २५ जिल्लाबाट करिब ५०० प्रतिनिधि सहभागी हुने बताइएको छ।
हेर्नुस् समाजको प्रेस विज्ञप्ति
थारु विद्यार्थी समाज देश भरीका थारु विद्यार्थीहरुको साझा छाता संगठन हो । बि.सं. २०५२ सालमा स्थापना भई करिब ३ दशक इतिहास बोकेको थारु विद्यार्थी समाज, थारु समुदायको विद्यार्थीहरुको शैक्षिक अधिकार मात्र नभई सामाजिक, राजनैतिक, सांस्कृतिक लगायतका अधिकारहरुको बुलन्द आवाज बन्दै आएको एक शसक्त संगठन हो। थारु विद्यार्थी समाज नेपाल देशको पूर्वदेखि पश्चिमका २५ वटा तराईका जिल्लामा मात्र सिमित नभई काठमाडौंमा समेत बलियो सांगठनिक आधार निर्माण गरेको छ।
थारु विद्यार्थी समाज स्थापनाकाल देखि नै नेपालको राजनितिक, सामाजिक, शैक्षिक तथा सांस्कृतिक परिवर्तनका हरेक आन्दोलनहरुमा अग्रणी भुमिका खेल्दै आएको यस गौरवशाली संगठन दोस्रो जनआन्दोलन, कमलरी कमैया मुक्ति आन्दोलन, थरुहट थारुवान आन्दोलन, नेपालको लोकतान्त्रिक संविधान २०७२ को निर्माणको आन्दोलन र त्यस संविधानमा थारु लगायत सिमान्तकृत समुदायको जाती, वर्ग, संस्कृति, भाषा, भुमि लगायतको पहिचान तथा समावेशिताको अधिकार सुनिश्चितताका लागी हरेक तहतप्कामा गरिँदै आएका हरेक आन्दोलनहरुमा अग्रस्थानमा उभिएर नेतृत्व गर्दै आइरहेको छ। अधिकार र पहिचानको आन्दोलनहरुमा अग्रिणी सहभागिता रहेको गौरवशाली ईतिहास बोकेको यस संगठन पहिचानको राज्य पुनः संरचना र सिमांकनको लडाई होस्, जनसंख्याको आधारमा पूर्ण समानुपातीक सहभागिता, शैक्षिक आरक्षण, निजामति लोकसेवा र मातृभाषा शिक्षाको लागि गरिने आन्दोलन र सांस्कृतिक उत्थान तथा संरक्षणका लागि नितिगत तह मात्र नभई सडक मार्फत समेत अभियान र आन्दोलनको नेतृत्व गर्दै आइरहेको छ ।
त्यसैगरी थारु विद्यार्थी समाजले क्याम्पस, कलेज देखि विश्वविद्यालय स्तरमा राजनितिक पहुँच बढाउन स्वतन्त्र विद्यार्थी यूनियन ( स्ववियू ) निर्वाचनमा सहभागिता र नेतृत्वको लागि अहम भूमिका समेत निर्वाह गर्दै आइरहेको छ ।
थारु विद्यार्थी समाजको स्थापनाकाल देखि उठाएको आवाज “ थारु विद्यार्थी एक हुई शैक्षिक अभियान आगे बढाई” भन्ने मूल नारा लिएर थारु बिद्यार्थीहरुलाई एक शुत्रमा बाँढ्दै पाइला अगाडि बढाएको यस संगठन हाल ७ औं राष्ट्रिय महाधिवेशन सम्म आइपूग्दा देश भरिका थारु विद्यार्थीहरुको मात्र नभई सम्पूर्ण थारु समुदायको शैक्षिक, राजनितिक, समाजिक, सांस्कृतिक मुद्दाको लागि संघर्षशिल बलिदानीपूर्ण इतिहास भएको विश्वास योग्य गर्विलो संगठनको रुपमा स्थापित भएको छ ।
नेतृत्व हस्तान्तरण र नवयुगको नेतृत्व, आन्दोलन र बहसलाई मार्ग निर्माणका लागि थारु विद्यार्थी समाजको ७औं राष्ट्रिय महाधिवेशन देशको केन्द्रबिन्दु मात्र नभई थारु अधिकार र पहिचानको आन्दोलनको समेत केन्द्रबिन्दुको रुपमा पहिचान निर्माण गरेको थरुहट भुमि नवलपरासी जिल्लाको डण्डामा थारु पहिचान समावेशी शिक्षामा हाम्रो अभियान, मातृभाषा शिक्षामा जोड, निजामति र राजनितिमा शशक्त विद्यार्थी आन्दोलन हाम्रो अभियान” भन्ने मुल नारा सहित यहि २०८१ चैत्र २३,२४ र २५ गते आयोजना हुन गई रहेको छ। यस महाधिवेशनमा देश भरिका २५ वटा जिल्लाबाट ५०० प्रतिनिधिको सहभागिता हुने जानकारी सहित सम्पूर्ण थारु विद्यार्थी, अतिथि, बुद्धिजीवी,नेतृत्वकर्ता तथा शुभचिन्तकहरुलाई सक्रिय सहभागिता र भव्यताका साथ सफल पार्न आह्वान गर्दछौ ।
