मंगलबार भएको झडप पछि लगाइएको कर्फ्यू खुल्न नपाउँदै भारदहमा पुन: प्रदर्शन सुरु भएको छ । प्रदर्शनको क्रममा आन्दोलनकारीले भारदह चोकमा रहेका प्रहरी बिटमा आगो लगाइदिएका छन् । यस्तै राजमार्गमा गुडिरहेको स ४ प ७९३८ नम्बरको बाइकमा पनि आगजनी गरेका छन् ।

जबर्जस्ती यातायात बन्द गराउँदै सवारी तोडफोडमा संलग्न भएपछि झापाको बिर्तामोडबाट आज बिहान शान्ति समिति झापाका संयोजक सूर्यनारायण गणेशसहित १० जनालाई प्रहरीले नियन्त्रणमा लिएको छ।

ट्याक्टर दुर्घटनामा परेका कैलालीका एक थरुहट प्रदर्शनकारीको मृत्यु भएको छ। सोमबार धनगढीमा आयोजित आमसभामा सहभागी हुन कैलालीको थापापुरबाट आएका ५० वर्षीय चिन्कु डगौराको मंगलबार राति राजधानीमा निधन भएको हो। उपचार सम्भव नभएपछि राजधानी ल्याइएका उनको शिक्षण अस्पतालमा उपचारका क्रममा मृत्यु भएको हो।

सोमबार धनगढीमा आयोजित आमसभामा सहभागी हुन आएका थरुहट पक्षधरलाई अखण्ड पक्षधरले ढुंगा हानेको भिडियो प्राप्त भएको छ। अखण्ड पक्षधरले बाटोमा घेरी विभिन्न स्थानाबट आएका थारुहरुलाई अवरोध सिर्जना गरेको थियो। सो क्रममा प्रहरी र अखण्ड पक्षधरबीच झडपसमेत भएको थियो।

कारी महतो चितवनमा आन्दोलन गर्दै आएको थारु कल्याणकारिणी सभा (थाकस)ले विगत केही दिन चितवन बन्द गरेको कारणले समस्या भोग्दै आएका चितवनबासीबाट बन्दको विकल्प खोज्नुपर्ने चौतर्फी आवाज उठेपछि सभाले जारी आन्दोलनको स्वरुपमा केही हेरफेर गरेर आन्दोलन अगाडि बढाएको छ।

थरुहट/थारुवान संयुक्त संघर्ष समिति र संयुक्त मधेसी मोर्चाका कार्यकर्ता र प्रहरीबीच झडपका कारण सोमबार साँझदेखि तनावग्रस्त बनेको सिरहाको मिर्चैयामा अझै प्रदर्शन जारी छ। प्रदर्शनकारीहरुले सडकमा प्रदर्शन जारी राखेका कारण मिर्चैया क्षेत्र अझै शान्त हुन नसकेको हो।

प्रदर्शनका क्रममा गोली लागेर सप्तरीको भारदहमा एकजनाको मृत्यु भएपछि थप झडप हुन सक्ने भन्दै स्थानीय प्रशासनले आज दिउँसो ४ बजेदेखि भारदह क्षेत्रमा निषेधाज्ञा जारी गरेको छ। जिल्ला सुरक्षा समितिको बैठकले भारदह क्षेत्रको चार किल्ला क्षेत्रमा आज दिउँसो ४ बजेदेखि बुधबार बिहान ५ बजेसम्मका लागि निषेधाज्ञा जारी गरेको सप्तरीका प्रमुख जिल्ला...

छ दिनदेखि थरुहट प्रदेशको माग गर्दै आन्दोलनमा उत्रिएका आन्दोलनकारी र प्रहरीबीच सदरमुकाम तौलिहवामा झडप भएको छ। झडपमा छ जना आन्दोलनकारी घाइते भएका छन्। आन्दोलनकारी र प्रहरीबीच एकाएक तनाव सिर्जना भएपछि प्रहरीले स्थितिलाई नियन्त्रणमा लिन लठ्ठी प्रहार, एक दर्जन अश्रु ग्यास र गोलीसमेत प्रहार गरेको छ।

सप्तरीको भारदहमा स्थिति तनावपूर्ण बनेपछि प्रहरीले गोली प्रहार गरेको छ। प्रहरीको गोलीबाट भारदह-१ का ३५ वर्षीय राजीव राउतको मृत्यु भएको संघीय समाजवादी फोरम नेपालका नेता शम्भु झाले जानकारी दिए। गोलीबाट अन्य दुई जना घाइते भएका छन्। घाइते हुनेहरु भारदह-१ का देवनरायण शाह र भारदह-२ का अपक साह छन्। उपचारका...