Author: admin

सरकारले १५ वर्षदेखि रिक्त स्थानीय निकायको चुनाव आगामी मंसिरमा गर्ने घोषणा गरेको छ । राष्ट्रपति विद्यादेवी भण्डारीले आइतबार संसदमा सरकारको नीति तथा कार्यक्रम पेस गर्दै २०७३ मंसिरमा स्थानीय निकायको चुनाव गर्ने घोषणा गरेकी हुन् ।

‘संघीय संरचना अनुरुप स्थानीय तहको संख्या र सीमाना निर्धारण तथा कानूनी आधार तयार गर्न केही समय लाग्ने हुँदा विगत १५ वर्ष देखि रिक्त स्थानीय निकायमा संक्रमणकालिन व्यवस्था अनुरुप २०७३ साल मंसिर महिनामा हाल कायम स्थानीय निकायको निर्वाचन गरिनेछ,’ नीति तथा कार्यक्रममा भनिएको छ, ‘यसबाट स्थानीय निकायमा जनप्रतिनिधिविहीन स्थितिको अन्त्य भै जनस्तरमा लोकतन्त्रको अभ्यास, विधिको शासन र स्थानीय विकासमा जनप्रतिनिधिको नेतृत्व कायम गर्न सहयोग पुग्नेछ ।’

सरकारले आगामी आर्थिक वर्षलाई संविधान कार्यान्वयन र शासन प्रणालीको रुपान्तरणको वर्षकारुपमा लिने उल्लेख गर्दै नीति तथा कार्यक्रममा प्रदेशहरुको सिमांकनमा देखिएको असन्तुष्टिलाई सम्बोधन गर्न सरकारले राजनीतिक समिति गठन गरिसकेको छ र त्यसलाई शीघ्र पूर्णता दिई काम अगाडि बढाउन सरकार तत्पर रहेको जनाएको छ ।

सरकारले संघीयताको कार्यान्वयन र तथा प्रशासनिक पुनर्संरचनाको लागि राजनीतिक तहमा उच्चस्तरीय निर्देशक समिति र प्रशासनिक तहमा समन्वय समिति गठन गरेको जनाएको छ ।

स्थानीय तहको पुनर्संचनाका लागि गाउँपालिका, नगरपालिका तथा विशेष, संरक्षित वा स्वायत्त क्षेत्रको संख्या तथा सीमाना निर्धारण गर्न गठित आयोग कार्यरत छ । साझा तथा संघ, प्रदेश र स्थानीय तहको अधिकारका विषयको व्यवस्थापनका लागि प्राकृतिक साधन, स्रोत तथा राजस्वको बाँडफाँड समितिको गठन तत्कालै गर्ने जनाइएको छ ।

पूर्ण पाठ पढ्नुस् होस् 

आर्थिक वर्ष २०७३-७४ को नेपाल सरकारको नीति तथा कार्यक्रम

राष्ट्रपति विद्यादेवी भण्डारीद्वारा व्यवस्थापिका–संसद्मा आज प्रस्तुत सरकारको चालु आव २०७३-७४ को नीति तथा कार्यक्रममा मधेसी, थारू, आदिवासी जनजाति, दलित, मुस्लिम समुदाय प्राथमिकतामा नपरेको भन्दै संयुक्त लोकतान्त्रिक मधेसी मोर्चा आबद्ध सात दलले असन्तुष्टि व्यक्त गरेका छन् । Continue reading “१३ बुँदे माग सम्बोधन नगरेको भन्दै थरुहटद्वारा नीति तथा कार्यक्रम बहिस्कार”

थरुहट तराई पार्टी नेपालका वरिष्ठ एवं सांसद गोपाद दहितले थारु युवाहरुलाई प्रशिक्षण दिएका छन्। शनिबार कीर्तिपुरस्थित त्रिभुवन विश्वविद्यालयमा आयोजित प्रशिक्षण कार्यक्रममा उनले थारु अत्यन्तै जटिल अवस्थामा भएको बताए। यस्तो अवस्थामा केही गर्न नसके थारुका आउँदा सन्ततीले झनै दुःख भोग्नुपर्ने उनले बताए। Continue reading “थारु युवालाई गोपाल दहितको प्रशिक्षण- अहिले नलडे कहिले लड्ने?”

थरुहट/थारुवान संयुक्त संघर्ष समितिले आन्दोलन स्वरुप हालै घोषणा गरिएको विभिन्न कार्यक्रमहरुप्रति कडा असहमति जनाइएको छ । थरुहट आन्दोलनको दाँया हातको रुपमा रहेको थारू यूवा दस्ताले आफुलाई वेवास्ता गरिनुको साथै जिल्ला स्तरमा विना छलफल आन्दोलनका विभिन्न कार्यक्रमहरु घोषणा गरेको भन्दै विरोध जनाएको हो । Continue reading “थरुहट संघर्ष समितिको घोषित कार्यक्रममा युवा दस्ताको असहमति”

एमाले र एमाओवादीबीच बिहीबार राति भएको सहमतिमा द्वन्द्वकालीन घटनाका दोषीलाई उन्मुक्ति दिने प्रावधान राखिएको भन्दै पीडितले असन्तुष्टि जनाएका छन् । सरकार टिकाउन दुवै पक्षबीच नौ बुँदे सहमति भएपछि पीडकले उन्मुक्ति पाउने शंका गर्दै पीडितले आपत्ति जनाएका हुन् । Continue reading “द्वन्द्वपीडित दुहनी चौधरी भन्छिन्- ‘हामीमाथि सौदावाजी नहोस्’”

नयाँ संविधानप्रति विमति जनाउँदै आन्दोलनरत संयुक्त लोकतान्त्रिक मधेसी मोर्चाआबद्ध प्रमुख चार दल संघीय गठबन्धन बैठकमा अनुपस्थित भएका छन्। संघीय समाजवादी फोरमका अध्यक्ष उपेन्द्र यादवलाई संघीय गठबन्धनको संयोजक बनाइएपछि असन्तुष्टि जनाउँदै ती दल बैठकमा नगएका हुन्। मोर्चाको जारी आन्दोलनलाई गठबन्धनमा लगेर फसाएको भन्दै उनीहरू असन्तुष्ट थिए। Continue reading “उपेन्द्र यादवलाई संयोजक बनाएपछि मोर्चामा खैलाबैला”