कोही प्रचण्डलाई भगवान मान्ने, कोही ओलीको कमैया कमलरी बन्ने, कोही कोइरालाको चाकरी गर्ने प्रवृति जारी रहे थरुहट आन्दोलन टुक्रिने निश्चित छ। लेखीले पनि प्रचण्ड, उपेन्द्रलाई फोन गर्ने अनि गच्छदारलाई हेर्न नसक्ने हुनु हुँदैन। लेखीबिना थाकस अपूर्ण छ, त्यसैले आफ्नो घमण्ड देखाउनुभन्दा सबैलाई मिलाएर लैजान सक्नुपर्छ।
संजय थारु
टुटेफुटेको थरुहट आन्दोलन थारु बाहूल्य जिल्ला कैलालीबाट सुरु भयो, मस्यौदा र सीमाङ्कनको विरोध गर्दै। यो तेस्रो थरुहट आन्दोलन हो। यो आन्दोलनले चार महिना पार गरेको छ। भेला, विरोध सभा, गोष्ठी र बैठक निरन्तर चलिरहँदा पनि सड्कमा ध्यान नदिँदा थरुहट आन्दोलन कमजोर बनेको छ।
