Author: admin

शनिबार राति शीर्ष नेताहरुबीच सहमतिको भइरहँदा थारु सभासद्हरु संवैधानिक राजनीतिक सम्बाद तथा सहमति समितिको बैठकका लागि कुरी बसेका थिए। ११ बजे बोलाइएको बैठक अबेर रात ११ बजेसम्म नहुँदा जति आक्रोशित थिए थारु सभासद्हरु त्यति नै धेरै संघीयताको नयााँ खाकालाई लिएर थिए।

संघीय प्रदेशमा चित्त नबुझाएका र बेलैमा बैठक नगरेको भन्दै समितिका केही सभासद्हरु शीर्ष नेताहरुलाई घेराउन गर्न पुगेका थिए। जसमा गोपाल दहित, योगेन्द्र चौधरीसँगै अन्य सभासद्ले शीर्ष नेताहरुविरुद्ध नाराबाजी गरेका थिए। उनीहरुले ‘पावर सेयरिङ’ हुँदै हो भनेर नाराबाजी गरे। उनीहरुलाई आश्वस्त पार्न समितिका सभापति बाबुराम भट्टराईले एकछिन धैर्य गर्न आग्रह गरेका थिए।

गच्छदारले सहमति गर्ने मनसाय बनाएपछि फोरम लोकतान्त्रिकका प्रमुख सचेतक रामजनम चौधरीले ‘गच्छदारलाई देखाइदिन्छौं’ भनी सम्बाद समितिको बैठक बहिस्कार गरेका थिए। रामजनमसँगै मध्यरातमा बैठक बहिस्कार गरी योगेन्द्र चौधरी र जनकराज चौधरी बाहिरिएका थिए।

गोपाल दहित र गंगा थारु भने सम्बाद समितिको बैठक कुरी बसेका थिए। साढे १२ बजे बसेकाे बैठक क्षणभरमै स्थगित भएपछि उनीहरु पनि गन्तव्यमा लागेका थिए।

शीर्ष नेताको विरोध गर्दै थारु सभासद्लगायत अन्य सभासद्हरु।

चार थारु सभासद् सम्बाद समितिको हलमा छलफल गर्दै।

फोरम लोकतान्त्रिकका सभासद् जनकराज चौधरी।

थरुहट तराई पार्टी नेपालका सभासद् गोपाल दहित।

थरुहट तराई पार्टी नेपालका सभासद् गंगा थारु र संघीय सद्‍भावनाका सभासद् डिम्पल झा।

फोरम लोकतान्त्रिकका सभासद् योगेन्द्र चौधरी र पत्रकार ऋषि धमला कुराकानी गर्दै।

थारु बाहूल्य कैलाली-कञ्चनपुरलाई पहाडमा मिसाएको भन्दै विभिन्न दलका थारु सभासदले मस्यौदा च्यातेर सांकेतिक विरोध गरेका छन्। आइतबार बसेको संवैधानिक राजनीतिक संवाद तथा सहमति समितिको बैठकमा थरुहट तराई पार्टी नेपाल, संघीय लोकतान्त्रिक राष्ट्रिय मञ्च थरुहट, एमाओवादीका केही थारु सभासदले संविधानको मस्यौदा च्यातेर बैठक बहिष्कार गरेका हुन्। Continue reading “सीमांकनको विरोध गर्दै थारु सभासदले मस्यौदा च्याते”

मध्यरातमा सिंहदरबारस्थित संविधान सभा सचिवालयमा चार दलका शीर्ष नेताहरुबीच सहमतिमा हस्ताक्षर गर्ने तय भयो। पत्रकारलाई त्यो ऐतिहासिक क्षणको दृश्य उतार गर्न शीर्षहरुको बैठक कक्षमा डाकियो। धेरै दिन, धेरै प्रहर सिंहदरबारको निर्णायक कक्षबाहिर सहमतिको व्यग्र प्रतिक्ष गरेका पत्रकारहरु जब कक्षभित्र प्रवेश गरे उनीहरुका तिर्खाएका क्यामेरा धडाधड सक्रिय भए। Continue reading “हस्ताक्षर गर्ने बेला किन हिच्किचाए गच्छदार ? (तस्बिर/भिडियो)”

प्रमुख राजनीतिक दलका शीर्ष नेता सम्मिलित विशेष समितिमा सीमाङ्कनसहितको सङ्घीयताको संविधानको मस्यौदामा हस्ताक्षर भएको छ । प्रधानमन्त्री तथा नेपाली काँग्रेसका सभापति सुशील कोइराला, नेकपा (एमाले)का अध्यक्ष केपी शर्मा ओली, एकीकृत नेकपा (माओवादी)का अध्यक्ष पुष्पकमल दाहाल र मधेसी जनअधिकार फोरम (लोकतान्त्रिक) का अध्यक्ष विजयकुमार गच्छदारले सहमति पत्रमा आज मध्यराति हस्ताक्षर गर्नुभएको हो । Continue reading “अन्ततः विजय गच्छदारले गरे हस्ताक्षर (पूर्ण पाठसहित)”

थारु सभासद्हरुले ‘थारु सभासद् संघर्ष समिति’ गठन गरेका छन्। थारु मुद्दा सशक्तरुपमा उठाउने उद्देश्यले संविधानसभाभित्रका थारु सभासद्हरुले संघर्ष समिति गठन गरेका हुन्। जसको संयोजकमा रामजनम चौधरी छन्। प्रवक्तामा एमाओवादीका अमनलाल मोदी र कोषाध्यक्षमा नेपाली कांग्रेसका तेजुलाल चौधरी छन्। समितिको सदस्यमा सबै थारु सभासद्हरु छन्। Continue reading “रामजनम चाैधरी नेतृत्वमा थारु सभासद् संघर्ष समिति घोषणा”

कारी महतो।
थारुहरुले हकहित र संवैधानिक अधिकारका लागि आवाज उठाएको दशकौं भइसक्यो। तर थारु समुदायले चाहेका विषयको उल्टो दिशामा देश दौडिरहेको हुँदा थाकसलगायत थारु समुदायका थुप्रै सामाजिक संघसस्थाहरुले गोलबद्ध भइ चरणबद्ध आन्दोलनको घोषणा नै गरेको छ। Continue reading “चितवनका थारुले के का लागि आन्दोलन गर्ने ?”