Author: Madan Kumar

भारतले चीनको राजधानी बेइजिङमा सुरु भएको विन्टर ओलम्पिकमा कूटनीतिक बहिष्कार गर्ने भएको छ। चीन-भारत सीमामा भएको झडपमा घाइते भएका चिनियाँ सैनिकलाई ओलम्पिकको टर्च बोक्ने व्यक्ति बनाएपछि यसपटकको ओलम्पिकमा भारतले कूटनीतिक बहिष्कार गर्ने जनाएको हो। Continue reading “बेइजिङ ओलम्पिकमा भारतको कूटनीतिक बहिष्कार”

क्यानडामा तिब्बती समूहले चीनको विरोध गरेका छन्। चीनले आफ्नो शीतकालीन बेइजिङ ओलम्पिक्स सुरु गरेपछि क्यानडामा रहेका तिब्बती समूहले चीनले गरेको मानवअधिकार उल्लंघनको विरोध गरेका हुन्।

उनीहरुले टोरोन्टोस्थित क्यानडियन ओलम्पिक सतिमीको कार्यालय अघि सो विरोध गरेका हुन्। रिजनल तिबेटियन युथ कंग्रेस टोरोन्टो, इस्ट टर्किस्तान एसोसियसन अफ क्यानडा, क्यानडियन तिबेटियन एसोसियसन र तिबेटियन वुमेन एसोसियसन अफ ओन्टोरिओ आदि समूहले संयुक्त रुसमा सो विरोध गरेका हुन्।

चीनले तिब्बतमाथि जमाएको कब्जालाई उजागर गर्न ओलम्पिक्स खेलकुद आयोजना गरेको भन्दै क्यानडामा रहेका तिब्बती नागरिकले चीनको विरोध गरेका हुन्। उनीहरुले चीनमाथि तिब्बती नागरिकहरुको अधिकारको लगातार उल्लंघन गर्दै आएको आरोप लगाएका छन्।

भारत र चीनबीच भएको झडपको प्रतिवेदन सार्वजनिक भएको छ। सन् २०२० मा भारत र चीनका सेनाबीच लद्दाखको गलवान उपत्यकामा भएको हिंसक झडपको बारेको एक प्रतिवेदन सार्वजनिक भएको छ। समाचार एजेन्सी पीटीआई र एएनआईका अनुसार अस्ट्रेलियाको अखबार ‘द कलेक्शन’ ले आफ्नो प्रतिवेदनमा गलवान झडपमा चीनले आफ्नो क्षति कम भएको बताएको दाबी गरेको छ।

चीनको तर्फबाट चार सैनिकको ज्यान गएको बताइएको थियो तर योभन्दा नौ गुणा धेरै कम्तीमा ३८ चिनियाँ सैनिकको ज्यान गएको प्रतिवेदनमा उल्लेख गरिएको छ। त्यो प्रतिवेदनमा शोधकर्ता र चीनका ब्लगर्सलाई उद्धृत गर्दै सूचना दिइएको जनाइएको छ।

सुरक्षाका कारण उनीहरूको नाम गोप्य राखेको बीबीसी हिन्दीले जनाएको छ। गत १५ जुनमा लद्दाखको गलवान उपत्यकामा चिनियाँ सेनासँगको झडपमा भारतका २० सैनिकको मृत्यु भएको थियो। चिनियाँ सेनातर्फ के-कति क्षति भएको थियो भन्नेबारेमा आधिकारिक विवरण आएको थिएन।

त्यो घटनालाई भारत-चीन सीमामा पछिल्लो चार दशकमा भएको सबैभन्दा ठूलो झडप बताइएको थियो। त्यसयता अहिलेसम्म यी दुई देशबीच १४ चरणको सैन्य वार्ता भइसकेको छ तर अहिलेसम्म निष्कर्ष निस्किएको छैन।