Author: Madan Kumar

थारुहरुले काठमाडौंमा अष्टिम्की पर्व मनाउने भएका छन्। भदौ १४ गते सोमलबार बिजुलीबजारस्थित क्रिस्टल पार्टी भेन्युमा पर्व मनाउने बर्दियाली थारु विकास मञ्चका सचिव दिनेश चौधरीले जानकारी दिए। अष्टिम्की पर्व सफल पार्नका लागि शिव चौधरीको संयोजकत्वमा मूल आयोजक समिति बनाएको छ। Continue reading “काठमाडौंबासी थारुहरुले भदौ १४ गते अष्टिम्की पर्व मनाउने”

सरकारले आगामी १४ गते सार्वजनिक बिदा दिएको छ। श्रीकृष्ण जन्माष्टमी एवं थारु समुदायको अष्टिम्की पर्वको अवसरमा सरकारले सार्वजनिक विदा दिने निर्णय गगरेको हो। यस वर्ष अष्टिम्की पर्व आउँदो सोमबार अर्थात् भदौ १४ मा परेको छ। Continue reading “थारुहरुको पर्व अष्टिम्कीमा सार्वजनिक विदा दिने सरकारको निर्णय”

थरुहट थारुवान राष्ट्रिय मोर्चाले आज काठमाडौंको वसन्तपुर विद्रोह दिवस मनाएको छ। ६ वर्षअघि भएको टीकापुर घटनामा आजकै दिन कर्फ्यु लागेकै समयमा थारुहरुको रिसोर्ट, एफएम, पसल र घरहरु जलाइएको थियो। सोही दिनको सम्झनामा थारुहरुले विद्रोह दिवस मनाउँदै आएको छ।

विरोध प्रदर्शनमा थारु युवाहले आज फरक नाराजसहित प्रस्तुत भए। युवा अभियन्ता एवं बर्दियाली थारु विकास मञ्चका सचिव दिनेश चौधरीको नेतृत्वमा युवाहरुले केही मिनेट सिट्टी फुकेका थिए। उनीहरुले सुतिरहेको सरकारलाई जगाउनका निम्ति सिट्टी फुकेको बताए। ‘थारुहरुले न्याय मागेको वर्षौं‌ वितिसक्यो। तर सरकार कान थुनेर बसेको अवस्था छ। लाग्छ हाम्रो देशका शासकहरु चीर निद्रामा रहेका छन्। तिनै शासकहरुलाई व्युँझाउनका लागि हामीले सिट्टी फुक्यौं,’ थारुवानसँग उनले भने।

त्यस्तै कानुन पढिरहेका युवा अभियन्ता अर्नव चौधरी अरुभन्दा फरक ब्यानर लिएर विरोध प्रदर्शनमा आए। उनले दुइटा ब्यानर लिएर वसन्तपुर डबलीमा आएका थिए। जसमा लेखिएको थियो- EROR 404 JUSTICE NOT FOUND र Hypocricy ko pani seema huncha yar‘।

उनी यसअघि माइती घर मण्डलामा भएको विरोध प्रदर्शनमा पनि सहभागी बनेका थिए। त्यहाँ तिनले एकैथरिका प्लेकार्डहरु देखेका थिए। विश्वमै आदिवासीका सबालमा, मानव अधिकारीको सबालमा भएका आन्दोलनहरुलाई उनी नजिकबाट औंल्याउने गर्छन्। वसन्तपुर डबलीमा उनले क्रियटिभ प्लेकार्ड लिएर प्रस्तुत हुने निधो गरे। तर के नारा लेख्ने भनी उनी दोधारमा थिए।

यसअघि नेपालमै चलिएको ‘Enough is Enough‘ मुभमेन्ट र म्यानमारमा चलेको मुभमेन्ट उनलाई याद आयो। जहाँ यस्तै यस्तै नारा लेखिएका प्लेकार्डहरु देखिन्थे। र, उनले पनि थारु मुभमेन्टलाई अलिक फरक बनाउने सोँचे र लेखे- EROR 404 JUSTICE NOT FOUND र Hypocricy ko pani seema huncha yar’।

‘हाम्रो पुस्ता अधिकारको लडाइँमा धेरै पछाडि छ। म चाहन्छु मजस्ता थारु युवाहरु हाम्रा अधिकारका लागि अगाडि आओस्। सबै कुराको लागि बोल्नै पर्छ भन्ने छैन- सानो सानो नाराले पनि धेरै कुरा भनिरहेको हुन्छ। हाम्रो पुस्ताले यस्तैखाले मुभमेन्ट चलाउन अति आवश्यक देख्छु,’ उनले थारुवानसँग भने।

थरुहट थारुवान राष्ट्रिय मोर्चाले काठमाडौंको वसन्तपुरमा विरोध सभा आयोजना गर्दै छ। टीकापुर घटनाको ६ वर्ष पुगेको अवसरमा विद्रोह दिवस रुपमा मोर्चाले विरोध सभा आयोजना गर्न लागेको मोर्चाको युवा संगठनका संयोजक सीताराम चौधरीले जानकारी दिए। उनका अनुसार दिउँसो ३ बजेदेखि कार्यक्रम सुरु हुनेछ। Continue reading “काठमाडौंको वसन्तपुर थारु विद्रोह दविस मनाइँदै”