धनगढी- गएराति हावाहुरी र वर्षासहित परेको चट्याङका कारण कैलाली र डोटी जिल्लामा गरी तीनजनाको मृत्यु भएको छ। कैलालीको मध्यक्षेत्रको बौनिया गाविस–२ मैनापोखरी गाउँका सोसुराम चौधरीको घरमा राति परेको चट्याङबाट उनकी श्रीमती अन्दाजी २६ वर्षीया टीकादेवी चौधरीको मृत्यु भएको जिल्ला प्रहरी कार्यालयले जनाएको छ। 

रत्ननगर- चितवनमा आज बिहानसम्म बर्डफ्लु सङ्क्रमित साढे १४ हजार कुखुरा नष्ट गरिएको छ। अझै करिब ४० हजार सङ्क्रमित कुखुरा नष्ट गर्न बाँकी रहेको चितवनका प्रमुख जिल्ला अधिकारी हिमनाथ दवाडीले जानकारी दिनुभयो। गएरातिदेखि आज बिहानसम्म एक दर्जन प्राविधिक टोलीले सङ्क्रमित दुवै क्षेत्रमा कुखुरा नष्ट गरिरहेका छन्।

सन्तोष दहित, दाङ-  कमलरीमाथि भइरहेको हत्या हिंसा, बलत्कार र आगजनिविरुद्धमा गरिएका दुई दिने पश्चिम बन्द सरकारलाई पाँच दिने अल्टिमेटम दिँदै स्थगित गरिएको छ। कमलरी सृजना चौधरीको हत्यारा इन्जिनियर युवराज पौडेल, पौडेललाई सहयोग गर्ने मतियारहरु पार्वती गिरी, शंकर अधिकारी र लिलामणि शर्मालाई पाँच दिनभित्र कारबाही नगरे दास्रो चरणको आन्दोलमा जाने...

दाङ- ललितपुर बस्दै आएकी दाङको लालमटिया- ८ की १२ बर्षीया कमलरी सिर्जना चौधरीको मृत्यु रहस्मय रहेको भन्दै छानवीनको माग गर्दै थारु संघ संस्थाले पश्चिम तराई बन्द गराएको छ। चाकुपाटस्थित ईञ्जिनियर युवराज पौडेलको डेरामा बस्दै आएकी सिर्जनाको चैत १४ गते दिउँसो आगो लगाएर आत्महत्या गरेको घटना बाहिर आएको थियो।

दमक- झापाको दमकमा कण्डम हाउस स्थापना गरिएको छ। न्यू कण्डम हाउसले आफ्नो आठौँ शाखाको रूपमा दमकमा कण्डम हाउसको व्यावसायिक कारोबार थालेको हो। बढ्दो एचआइभी एड्सको सुरक्षाका लागि भरपर्दो साधनलगायत विभिन्न यौनवर्द्धक सामग्रीहरूको कारोबार गर्ने उद्देश्यले सो हाउस सञ्चालनमा ल्याइएको हाउसका सञ्चालक गोविन्द खतिवडाले बताए।

काठमाडौं- परापूर्वकालदेखि नै कोच क्षेत्रमा मनाइने सिरूवा पर्व आज राजधानीमा पनि मनाइएको छ। नयाँ वर्षको आगमनसँगै मनाइने यो पर्व राजवंशी, धिमाललगायत जातिले हिलो छ्यापेर निकै हर्षोल्लासका साथ मनाएका छन्। राजवंशी समाज विकास समितिले काठमाडौंको खुलामञ्चमा सिरूवापर्व आयोजना गरेको हो। 

माधव चौधरी, दाङ- थारु समुदायका विभिन्न संगठनले वैशाख ३ र ४ गते दाङसहित ५ जिल्ला बन्द आह्‍वान गरेका छन्। रहस्यम तरिकाले मृत्यु भएका कमलरीको दाषी पहिचान गरी कानुनबमोजिम कारबाहीको माग गर्दै करिब दुई दर्जन थारु संगठनले बन्दको आह्‍वान गरेका हुन्। 

गौर- बागमती नदीमा डुबेर आज तीन जनाको मृत्यु भएको छ। मृत्यु हुनेमा वसतपुर गाविसका मुरारी झाको १४ वर्षीय छोरा कृष्ण , सुशील झाको १५ वर्षीय छोरा दीपक र सुवोध झाको १४ वर्षीय छोरा रितेश रहेका छन्। नववर्षको उपलक्ष्यमा बागमती नदीमा नुहाउने क्रममा ती तीनैजना डुबेका थिए। उपचारको क्रममा तीनै जनाको...

विराटनगर-  नयाँवर्षको पहिलो पर्वका रुपमा पूर्वी नेपालमा थारु तथा खवास समुदायले भोलि जुडशितल पर्व मनाउँदैछन्। ठूलाले सानालाई गङ्गाजल शिरमा छर्केर र सानाले ठूलालाई खुट्टामा छर्केर आशिर्वाद लिनेदिने चलनलाई जुडशितल भनिन्छ। जुडशितलसँगसँगै आदिवासी थारु तथा खवास समुदायले प्रकृतिलाई संरक्षण गर्न बोट विरुवामा पनि पानी हाल्ने गर्दछन्। जुडशितलका दिन अर्थात् वैशाख १...