बारा क्षेत्र नम्बर १(क)मा एमालेका उम्मेदवार त्रिलोकी प्रसाद चौधरी विजयी भएका छन्। उनले १८ हजार ४४५ मत ल्याएर विजयी भएका हुन्। उनका निकट्तम प्रतिद्वन्द्वी कांग्रेसका पेमा सिद्धी लामाले १६ हजार ४८४ मत ल्याए।

प्रधानमन्त्री पत्‍नी आरजु राणा देउवालाई हराउँदै कैलाली क्षेत्र नम्बर ५ मा एमाले उम्मेदवार नारदमुनी राना विजयी भएका छन्। उनले २७ हजार २०२ मत ल्याएर विजयी भएका हुन्। उनका प्रतिस्पर्धी आरजुले २२ हजार ३२२ मत पाए। 

प्रतिनिधि सभा सदस्यका लागि बर्दियाको क्षेत्र नं २ बाट बाम गठबन्धनका तर्फबाट माओवादी केन्द्रका उम्मेदवार सन्तकुमार थारु भारी मतान्तरले विजयी भएका छन्। निकट्म प्रतिद्वन्द्वी गोपाल दहितभन्दा १३ हजार ८२० मतले सन्तकुमार विजयी भएका हुन्। उनले ५० हजार ५५५ मत पाए भने दहितले ३६ हजार ७३५ मत प्राप्त गरे। १...

दाङ क्षेत्र नम्बर १ मा एमालेका मेटमणी चौधरी प्रतिनिधिसभा सदस्यमा निर्वाचित भएका छन् । उनले ३७ हजार ९ सय ८ मत प्राप्त गर्दै विजय भएका हुन्। उनका निकट्तम प्रतिद्वन्द्वी कांग्रेसकी शुसीला चौधरीले २४ हजार ७४ मत प्राप्त गरिन्।

सिरहा क्षेत्र नम्बर १(क)मा एमालेका लगनलाल चौधरी विजयी भएका छन्। उनले ११५४२ मत ल्याएर विजयी भएका हुन्। उनका निकट्तम प्रतिद्वन्द्वी नेपाली कांग्रेसका सन्तोष कुमार चौधरीले १०६९९ मत पाए।

दाङ क्षेत्र १(क)का प्रदेशसभातर्फ माओवादीका उम्मेदवार इन्द्रजीत चौधरी निर्वाचित भएका छन्। उनले १७२८५ मत ल्याएर विजयी भएका हुन्। उनका निकट्तम प्रतिद्वन्द्वी कांग्रेसका प्रदीप थापाले ११३९२ मत पाए। 

दाङ क्षेत्र नम्बर ३(क)मा कांग्रेसका उम्मेदवार डिल्लीबहादुर चौधरी विजयी भएका छन्। उनले १७०३६ मतसहित विजय भएका हुन्। उनका निकट्तम प्रतिद्वन्द्वी माओवादीका जगप्रसाद शर्माले १४७०० मत प्राप्त गरे। चौधरीलाई कांग्रेसबाट प्रदेश ५ मा मुख्यमन्त्रीको रुपमा हेरिएको थियो।

बर्दिया प्रदेश सभा-१ ‘क’ मा बाम गठबन्धनका तर्फबाट नेकपा एमालेका कविराम थारु २३५६० मतले विजयी भएका छन्। उनले निकट्तम प्रतिद्वन्द्वी लोकतान्त्रिक गठबन्धनका सोदे बिस्टलाई २३६७ मतले पराजित गरेका हुन्। विस्टले २११९३ मत प्राप्त गरेका हुन्। 

नेपाली कांग्रेसले पर्साको प्रदेश सभामा खाता खोलेको छ। पर्सा क्षेत्र नम्वर ४ (क)मा कांग्रेसका शंकर चौधरीले विजय हासिल गरेको हो। एमालेका पुर्व सभासद जयप्रकाश थारुलाई पराजित गर्दै नेपाली कांग्रेसका पुराना नेता शंकर चौधरी निर्वाचित भएका छन्। शंकरले जयप्रकाशलाई ४४८ मत अन्तरले पराजित गरेका हुन्।