आगामी प्रतिनिधिसभा र प्रदेशसभा सदस्य निर्वाचनमा समानुपातिक निर्वाचन प्रणालीतर्फ भाग लिन ७६ दलले निवेदन दिएका छन्। निर्वाचन आयोगका सहायक प्रवक्ता सूर्यप्रसाद अर्यालका अनुसार आयोगको निर्वाचन अधिकृतको कार्यालयमा विभिन्न ७६ दलबाट ६८ निवेदन परेका छन्।

सुदूरपश्चिम प्रदेशसभाले ‘सुदूरपश्चिम प्रदेश निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक, २०७८’ बहुमतले पारित गरेको छ। सोमबार बसेको प्रदेशसभाको बैठकमा आन्तरिक मामिला तथा कानुनमन्त्री रणबहादुर रावलले उक्त विधेयक पारित गरियोस् भनी प्रस्ताव पेस गरेका थिए।

छविलाल कोपिला अट्वारी, थारू जातिहरुको माघी पछिको दोस्रो ठूलो पर्व मानिन्छ । योे पर्वमा खास गरेर पुरुषहरु निराहार व्रत बसेर मनाउँछन् । यद्यपि स्वेच्छाले केही महिलाहरु पनि व्रत बस्ने गरेको पाइन्छ । दीर्घायू, सुस्वास्थ्य एवम् सुखमय जीवनको कामना सहित मनाइने अट्वारी भदौ महिनामा पर्छ । तर कुनैै साल असोजमा...

जेलबाटै पार्टी हाँकिरहेका रेशम चौधरीले भरपर्दो सारथीको रुपमा थारु अभियन्तासमेत रहेका सुरेन्द्र चौधरीलाई अघि सारेका छन‍्। नागरिक उन्मुक्त पार्टीले उनलाई केन्द्रीय राजनीतिक संयोजन गर्न संयोजकको जिम्मेवारी दिएको छ।

नेकपा एमालेको केन्द्रीय कमिटी बैठकले आगामी निर्वाचनमा प्रत्यक्षतर्फ उम्मेदवर बन्ने मापदण्ड खुकुलो बनाएको छ। एकपटक जितिसकेका व्यक्ति फेरि पनि प्रत्यक्षतर्फको चुनाव लड्नसक्ने निर्णय एमाले बैठकले गरेको छ।

चुनाव मिति घोषणा भएसँगै कुन क्षेत्रबाट कसले उम्मेदवारी दिने भन्ने विषय रोचक बन्दै गएको छ। सत्ता गठबन्धन दलले चुनावी गठबन्धन गर्ने तयारी गर्दै गर्दा कुन क्षेत्रबाट कसले उम्मेदवारी दिने भन्ने कुराको टुंगो लगाउन सकस भएको छ।

नागरिक उन्मुक्ति पार्टीका बरिष्ठ नेता सुरेन्द्र चौधरीले देउखुरीबाट चुनाव लड्ने घोषणा गरेका छन्। लमहीमा आयोजित भेलामा उनले देउखुरी क्षेत्रबाट उम्मेदवार भन्ने ठूला दलका नेताहरु थारुविरोधी भएको आरोप लगाए।

लुम्बिनी प्रदेश र सुदूरपश्चि प्रदेशले थारु बाहुल्य जिल्लामा अट्वारी पर्वको विदा दिएका छन्। भदौ १२ गतेका दिन लुम्बिनी र सुदूरपश्चिम प्रदेश सरकारले थारु समुदायको अट्वारी पर्वका लागि सार्वजनिक बिदा दिने निर्णय गरेका हुन्।

नेपाली कांग्रेसले अघिल्लो निर्वाचनमा समानुपातिकतर्फ निर्वाचित भएका प्रतिनिधिसभा र प्रदेशसभा सदस्यहरुलाई नदोहोर्‍याउने निर्णय गरेको छ। महामन्त्री गगन थापाले चार तहलाई गरेको परिपत्रमा समानुपातिकतर्फ ०७४ मा निर्वाचित व्यक्तिलाई पुनः समानुपातिकतर्फ नै उम्मेदवार बनाउन सिफारिस नगर्न निर्देशन दिएका हुन्।