अघिल्लो स्थानीय तह निर्वाचनमा माओवादी केन्द्रले जितेको बर्दियाको बारबर्दिया नगरपालिकामा यसपटक नेपाली कांग्रेसका उम्मेदवार निर्वाचित भएका छन्। मेयर र उपमेयर दुबै पद कांग्रेसले जित्दा माओवादी केन्द्र भने तेस्रो भएको छ।

कञ्चनपुर : कञ्चनपुरको लालझाडी गाउँपालिकाको अध्यक्ष पदमा नेकपा (एमाले)का उम्मेदवार निर्मल रानाले चार हजार ५१६ मत प्राप्त गरी निर्वाचित भएका छन्। उनका प्रतिद्वन्द्वी नेकपा (माओवादी केन्द्र)का उम्मेदवार मदनसेन बडायकले दुई हजार ८५८ मत प्राप्त गरे।

सर्लाहीको हरिपुर नगरपालिकाको मेयरमा नेपाली कांग्रेसका गोपाल पजियार निर्वाचित भएका छन्। निकटतम प्रतिद्वन्दी नेकपा माओवादी केन्द्रका सुनिल बुढाथोकीलाई ३ हजार ५१ मतले पछि पार्दै पजियार विजयी भएका हुन्। उनले ६ हजार ९३८ मत प्राप्त गर्दा बुढाथोकीले ३ हजार ८८७ मत पाए।

टीकापुर नगरपालिकामा रेशम चौधरी नेतृत्वको पार्टीले अर्को जित निकालेको छ। वडा ४ मा नागरिक उन्मुक्ति पार्टीका उम्मेदवार लालवीर चौधरीको प्यानल विजयी भएको छ। लालवीरले १२३० मत प्राप्त गरी विजयी भएका हुन्।

टीकापुर नगरपालिकामा रेशम चौधरी नेतृत्वको नागरिक उन्मुक्ति पार्टीले अग्रता कायमै राखेको छ। पछिल्लो मतपरिणामअनुसार नागरिक उन्मुक्ति पार्टीका मेयर उम्मेदवार रामलाल डगौरा थारुले २४३७ मत पाएका छन्। उनका निकटतम प्रतिद्वन्द्वी नेपाली कांग्रेसका नवराज रावलले १४६९ मत पाएका छन् भने एमालेका श्याम खत्रीले ९१७ मत पाएका छन्।

रेशम चौधरी नेतृत्वको नागरिक उन्मुक्ति पार्टीले जोशीपुरमा पनि खाता खोलेको छ। वडा १ मा नागरिक उन्मुक्ति पार्टीबाट रामचन्द्र चौधरीको प्यानल नै विजयी भएको छ। रामचन्द्रले ७७३ मत पाउँदा उनका निकट्तम प्रतिद्वन्द्वी नेपाली कांग्रेसका फुलराम डंगौराले ४७१ मत पाए भने नेकपा एमालेका पुरन लाल डंगौराले ३११ मत पाए।

सप्तरीको सुरुङ्गा नगरपालिकामा कांग्रेसकी गीता चौधरीले अग्रता लिएकी छन्। उनले ७६७ मतका साथ अगाडि छिन्। उनका नेकपा एकीकृत समाजवादीका रामनारायण चौधरीले ७३४ मत ल्याएका छन्।

देशभरि थारु समुदाय २९ जना उम्मेदवारले पालिका प्रमुखमा अग्रता लिएका छन्। तीमध्ये सबैभन्दा धेरै कांग्रेसबाट ११ पालिकामा अग्रता लिएको छ भने एमालेबाट १० र जसपा र रेशम चौधरीको पार्टीबाट ३ पालिकामा अग्रता लिएको छ। माओवादीबाट भने एक पालिकामा अग्रता लिएको छ।

टीकापुर नगरपालिकामा रेशम चौधरी नेतृत्वको पार्टीले‍ अग्रता कायम राखेको छ। नागरिक उन्मुक्ति पार्टीले दुई गुणा बढी मतले अग्रता लिएको हो। मेयर पदका उम्मेदवार रामलाल डंगौराथारुले १४९० मत प्राप्त गरेका छन्। उनलाई नेपाली कांग्रेसका नवराज रावलले ७८१ मतका साथ पछ्याएका छन् भने तेस्रोमा नेकपा एमालेका श्याम खत्रीले ६९६ मत पाएका...