नेकपा एमाले सुदूर पश्चिमका सहइन्चार्ज तथा प्रतिनिधिसभा सदस्य नारदमुनी रानाले एमाले दशौं महाधिवेशनमा थारु कोटाबाट केन्द्रीय सदस्यको उम्मेदवारी घोषणा गरेका छन्। दशौं महाधिवेशनमा थारु समुदायका लागि ६ वटा कोटा छुट‍्याइएको छ।

भारतीय सेनाले नेपाली सेनालाई पाँच वटा ‘वर्कशप ट्रक’ हस्तान्तरण गरेको छ। बिहीबार आयोजित कार्यक्रममा भारतीय सेनाले पाँच थान एलपीटीए वर्कशप ट्रकहरु नेपाली सेनालाई दिएको हो। भारतीय सेनाले उपहारस्वरुप ती ट्रकहरु नेपाली सेनालाई दिएको हो।

आतंकवादविरुद्ध जनकपुरमा मोटरसाइकल र्‍याली प्रदर्शन गरिएको छ। राष्ट्रिय एकता अभियानको अगुवाईमा युवाहरुले मोटरसाइकल र्‍याली प्रदर्शन गरेका हुन्। भारतको मुम्बईमा भएको आतंकवादी हमलाको स्मरण गर्दै मोटरसाइकल र्‍याली प्रदर्शन गरिएको युवाहरुले बताएका छन्।

एमालेको दसौं राष्ट्रिय महाधिवेशन मंसिर १० देखि १२ गतेसम्म चितवनमा हुँदैछ। महाधिवेशनको पूर्सन्ध्यामा थारु नेता राजकुमार लेखीको चर्चा हुन थालिएको छ। गत असोज १४ गते लोकतान्त्रिक समाजवादी पार्टीबाट राजीनामा दिएका लेखीले एमाले विधान महाधिवेशनमै गत १७ असोजमा एमाले प्रवेश गरेका थिए।

नेकपा एमालेले १०औँ महाधिवेशनका लागि १०६ जना महाधिवेशन प्रतिनिधि मनोनीत गरेको छ। बुधबार बसेको बैठकले हालै एमाले प्रवेश गरेका राजकुमार लेखी महाधिवेशन प्रतिनिधिमा मनोनीत भएका छन्। उनीबाहेक उदयपुरका महेश्नवरी चौधरी र कैलालीका ममता प्रसाद चौधरीलाई महाधिवेशन प्रतिनिधिमा मनोनीत गरिएको छ।

नेकपा एमालेले दसौं राष्ट्रिय महाधिवेशनका लागि विभिन्न देशका ६० वटा पार्टीका प्रतिनिधि आउने भएका छन्। दसौं महाधिवेशन अतिथि सत्कार कमिटीका संयोजक डा. राजन भट्टराईले ६० वटा अन्तर्राष्ट्रिय पार्टीलाई निमन्त्रणा दिएको जानकारी दिएका छन्।

निलम्बित सांसद रेशम चौधरी समर्थित नेता कार्यकर्ताहरुको भेला काठमाडौंमा हुने भएको छ। मंसिर ११ र १२ गते उक्त भेला ठमेलको एक होटलमा आयोजना हुने बताइएको छ।

उदयपुरको त्रियुगा नगरपालिकाका मेयर बलदेब चौधरीका छोराको खोलामा डुबेर शनिबार दिउँसो ज्यान गएको छ। साथीसँग पिकनिक खान चौदन्डीगढी नगरपालिका-१० पुगेका ३० वर्षीय मनोज चौधरीको स्थानीय देबधार खोलामा डुबेर ज्यान गयको हो।

नेपाली कांग्रेस कैलालीले जिल्लाका सबै १३ स्थानीय तहको नेतृत्व चयन गरेको छ । ८ स्थानीय तहमा निर्वाचनमार्फत् र ५ मा सर्वसम्मत रुपमा नेतृत्व चयन गरिएको हो।