राष्ट्रपति विद्यादेवी भण्डारीले मन्त्रिपरिषद् पुनर्गठन गरेकी छन्। नयाँ मन्त्रिमण्डलमा भने थारु अनुहार देख्न पाइने छैन। पुनर्गठित मन्त्रिमण्डलमा अर्थ मन्त्रालयको जिम्मा विष्णु पौडेललाई दिइएको छ।

झापामा एक युवकको हत्या भएको छ। कनकाई नगरपालिका-३ स्थित सुरुङ्गा खोलाको डिलमा रहेको बाँसघारीमा सोही ठाउँ बस्ने २२ वर्षीय अभिषेक चौधरीलाई हत्या गरी फालिएको शव फेला परेको प्रहरी कार्यालय झापाका डिएसपी राकेश थापाले जानकारी दिए।

लुम्बिनी प्रदेशका उपसभामुख कृष्णी थारुलाई कोरोना संक्रमण भएको छ। उनले सामाजिक सञ्जालमार्फत् आफूलाई कोरोना पोजेटिभ भएको जानकारी दिएकी छन्। ‘गत आइतबार कोरोना परिक्षण गर्दा रिपोर्ट पोजेटिभ देखिएकाले मसँग सम्पर्कमा आउनुभएका सम्पूर्ण महानुभावहरूलाई सतर्क रहन अनुरोध गर्दछु,’ उनले लेखेकी छन्।

कैलालीको कैलारी गाउँपालिका वडा नम्बर ९ का वडा अध्यक्ष खेमराज चौधरीविरुद्ध पक्राउ पुर्जी जारी गरिएको छ। वन अतिक्रमण गरेको भन्दै उनीविरुद्ध डिभिजन वन कार्यालय कैलालीले पक्राउ पुर्जी जारी गरेको हो। वडा अध्यक्ष चौधरीले जेसिबी मेसिन प्रयोग गरी करिब ०.४ हेक्टर वन क्षेत्र विनाश तथा अतिक्रमण गरेको डिभिजन वन कार्यालय...

लुम्बिनी प्रदेशका लेखा समितिमा सभापति डिल्लीबहादुर चौधरीलाई कोरोना संक्रमण पुष्टि भएको छ। निमोनिया र सुगरको समस्या देखिएपछि बाँकेस्थित भेरी अस्पतालमा भर्ना भएका प्रदेश सांसद चौधरीलाई त्यहीँ गरिएको पीसीआर परीक्षणका क्रममा सोमबार राति संक्रमण पुष्टि भएको हो।

नेपाल कम्युनिस्ट पार्टी (नेकपा)का सांसद मेटमणि चौधरीले कर्णाली प्रदेशका मुख्यमन्त्री हटाउन खोज्नु राम्रो नभएको बताएका छन्। लोकतान्त्रिक राज्य व्यवस्थामा यस्तो हुनु सामान्य कुरा भए पनि पार्टी एकीकरणले मूर्त रुप नलिइसकेका बेला यस्तो कार्य गर्नु राम्रो नभएको बताए।

कर्णाली प्रदेशका मुख्यमन्त्री महेन्द्रबहादुर शाहीविरुद्धको अविश्वास प्रस्तावलाई लिएर सुर्खेतका थारु नेताहरु अच्चमित परेका छन्। थारुका पूर्वमाओवादी र पूर्वएमालेका नेताहरुले यो घटनाक्रम हेर्दा पार्टी एकीकरण कागजमा मात्र भएको आरोप लगाए।

नेपाली कांग्रेसका सांसद डिल्लीबहादुर चौधरी अस्पताल भर्ना भएका छन्। निमोनिया र सुगरको मात्रा बढेपछि उनी अस्पतालनमा भर्ना भएका हुन्। लुम्बिनी प्रदेश सार्वजनिक लेखा समितिका सभापतिसमेत रहेका उनी नेपालगन्जस्थित भेरी अस्पतालमा उपचाररत छन्। अहिले उनको अवस्था सामान्य रहेको बताइएको छ।

लुम्बिनी प्रदेशका भौतिक पूर्वाधार विकासमन्त्री वैजनाथ चौधरीले प्रदेशको राजधानीका लागि आफू बुटवलको पक्षधर रहे पनि पार्टी अनुशासन कायम राख्न दाङको पक्षमा मतदान गरेको बताएका छन् ।