काठमाडौं : नेकपा एमालेबाट निष्कासित भएपछि नेता भीम रावलले प्रधानमन्त्री केपी शर्मा ओलीलाई सत्ताको उन्मादमा गरेको निर्णय भएको बताएका छन्। रावलले संक्षिप्त विज्ञप्ति जारी गर्दै एमाले अध्यक्षसमेत रहेका ओलीलाई स्वेच्छाचारीको संज्ञा गरेका हुन्।

नेकपा एमालेले नेता भीम रावललाई पार्टीको सदस्यसमेत नरहनेगरी कारबाही गरेको छ। बुधबार बसेको एमालेको सचिवालय बैठकले संगठित सदस्यसमेत नरहनेगरी कारबाही गरेको उपमहासचिव प्रदीव ज्ञवालीले बताए। उनका अनुसार रावले पार्टीको निर्देशन नमानेर उल्टै पार्टीको हित विपरीत काम गर्दै आएका छन्।

सहकारी ठगीमा परेका पीडितहरूले रकम फिर्ता पाउनेगरी सरकारले अध्यादेश ल्याउने निर्णय गरेको छ। मंगलबार बसेको मन्त्रिपरिषद् बैठकले सहकारी पीडितको रकम फिर्ता पाउनेगरी अध्यादेश ल्याउने निर्णय गरेको हो।

बारबर्दिया नगरपालिकाका थारु गाउँका अगुवा बरघरहरूले पालिकाले पहिलो पटक बरघर ऐन पारित गरेको तर विधेयक नबनाउँदा बरघर सञ्जालमार्फत् कुनै काम गर्न नसकेको पीडा पोखेका छन्।

मोटरसाइकल दुर्घटना परी वडा प्रहरी कार्यालय लमही, दाङमा कार्यरत प्रहरी जवान गणेश चौधरीको मृत्यु भएको छ।

पार्टीको नेतृत्व विवादले नागरिक उन्मुक्ति पार्टीका अध्यक्ष रञ्जिता श्रेष्ठ र संरक्षक रेशम चौधरी टाढिएको महिनौं वितिसकेको छ। विवाद अदालतसम्म पुगेपछि श्रीमान श्रीमतीसमेत रहेका उनीहरूबीच लामो समय वार्तालाप पनि नभएको निकटस्थहरू बताउँछन्।

नेपाल सरकारका स्वास्थ्य तथा जनसङ्ख्या मन्त्री प्रदीप पौडेलले सिकलसेल एनिमियाका सबै बिरामीलाई निशुल्क औषधी र स्तरीय उपचारको व्यवस्था सरकारले गर्ने बताएका छन्।

तराई-मधेश आधारित राजनीति गर्ने दलहरूबीच विभिन्न राजनीतिक बुँदामा सहकार्यका लागि ‘लुज फोरम’ गठन हुने भएको छ । हृदयेश त्रिपाठी नेतृत्वको जनता प्रगतिशील पार्टी, नेपालले त्यसका लागि वार्ता टोली नै गठन गरिसकेको छ ।

राष्ट्रिय स्वतन्त्र पार्टीका सभापति एवं प्रतिनिधिसभा सदस्य रवि लामिछाने सांसद पदबाट निलम्बित भएका छ। संसद सचिवालयले सूचना टास गर्दै चितवन क्षेत्र नं २ बाट निर्वाचित लामिछानेको संसद पद निलम्बनमा परेको जानकारी दिएको हो।