सर्वोच्च अदालतले थारु समुदायका व्यक्तिहरूका लागि निजामती तथा सरकारी सेवाका प्रत्येक विज्ञापनमा ६.६ प्रतिशत आरक्षण छुट्याउन यसअघि दिएको अन्तरिम आदेश रद्द गरेको छ। यसअघि सर्वोच्च अदालतले सरकारी सेवामा पदपूर्ति गर्दा ६.६ प्रतिशत सिट थारु समुदायका व्यक्तिहरूका लागि छुट्याएर राख्न भन्दै अन्तरिम आदेश जारी गरेको थियो।

नागरिक उन्मुक्ति पार्टी सुदूरपश्चिम प्रदेशमा चौथो ठूलो पार्टी बनेको छ। रेशम चौधरी संरक्षक रहेको यो पार्टीले कैलालीमा प्रतिनिधिसभातर्फ तीन र प्रदेशसभातर्फ ५ सदस्य जितेको छ। समानुपातिक मतअनुसार उसले प्रदेशमा थप कम्तिमा दुई सिट प्राप्त गर्नेछ।

थारू कल्याणकारिणी सभा युएईले आयोजना गर्ने माघी महोत्सवमा थारू कल्याणकारिणी सभाका महामन्त्री प्रेमीलाल चौधरी दुबई जाने भएका छन्। संस्थाको वार्षिक साधारणसभासमेत रहेकाले थाकस युएईले माउसंस्थाबाट महामन्त्री चौधरीलाई अतिथिको रुपमा निमन्त्रणा गरेको कार्यक्रम संयोजक लालबहादुर चौधरीले जानकारी दिए।

प्रतिनिधिसभा निर्वाचनको परिणाम अन्तिम चरणमा छ। निर्वाचन सकिएसँगै सरकार गठन प्रक्रिया सुरु हुँदै गर्दा थारु समुदायका हस्ती नेताहरुको जमानत जफत भएको छ। दाङ क्षेत्र नं १ बाट उम्मेदवारी दिएकी र अघिल्लो संसदमा चर्चा बटुलेकी गंगा सत्गौंवाको जमानतसमेत जफत भएको छ।

बाजुराबाहेक सुदूरपश्चिम प्रदेशबाट प्रतिनिधिसभा र प्रदेशसभा तर्फको सबै नतिजा आइसकेको छ। बाजुराबाहेक अन्तिम मतपरिणाअनुसार नेपाली कांग्रेस ठूलो दल बनिसकेको छ। प्रतिनिधिसभातर्फको १६ मध्ये कांग्रेसले ८ क्षेत्र जितेको छ भने प्रदेशसभाको ३२ मध्ये ११ सिट जितेको छ।

रुपन्देही प्रतिनिधिसभा निर्वाचन क्षेत्र ३ को प्रदेशसभा (२) मा नेकपा एमालेका तुलसीप्रसाद चौधरी विजयी भएका छन्। नेपाली कांग्रेसका रामचन्द्र ढकाललाई २ सय १ मतको झिनो मतान्तरले पराजित गर्दै चौधरी विजयी भएका हुन्।

नागरिक उन्मुक्ति पार्टीले समानुपातिकतर्फ डेढ लाख मत कटाएको छ। पछिल्लो मत परिणामअनुसार नागरिक उन्मुक्तिले १ लाख ५६ हजार ५८८ मत ल्याएको छ। थ्रेस होल्ड कटाउन कम्तिमा ३ लाख ल्याउनुपर्ने बताइएको छ।

सप्तरीको प्रतिनिधिसभा ४ मा नेपाली कांग्रेसका तेजुलाल चौधरी तेस्रो पटक विजयी भएका छन् । निर्वाचन अधिकृतको कार्यालय क्षेत्र नम्बर ४, सप्तरीले सार्वजनिक गरेको नतिजा अनुसार चौधरीले २३ हजार ४९१ मत प्राप्त गरी निर्वाचित भएका हुन्।

नागरिक उन्मुक्ति पार्टीले समानुपातिकतर्फ एक लाख मत कटाएको छ। पछिल्लो मत परिणामअनुसार नागरिक उन्मुक्तिले १ लाख ८ हजार २७१ मत प्राप्त गरेको छ। यो गणना भएको कूल सदर मतको २.१ प्रतिशत हो। राष्ट्रिय दल बन्नका लागि ३ प्रतिशत कटाउनुपर्ने हुन्छ।