नेपाल प्रिमियर लिग (एनपीएल)को विजेताका लागि पुरस्कार घोषणा गरिएको छ। नेपाल क्रिकेट संघ (क्यान)ले मंगलबार विज्ञप्ति जारी गरेर पुरस्कार घोषणा गरेको हो। क्यानका अनुसार एनपीएल विजेताले एक करोड १० लाख पुरस्कार पाउनेछ।

महिला यु-१९ एसिया कपमा नेपालले पाकिस्तानलाई ६ विकेटले हराएको छ। मलेसियाको क्वालालम्पुरस्थित बायुमास क्रिकेट ओभलमा नेपालले पाकिस्तानलाई ६ विकेटले हराएको हो। पाकिस्तानले दिएको १०५ रनको लक्ष्य नेपालले १९ ओभरमा ४ विकेट गुमाउँदै पूरा गरेको हो।

नेपाल प्रिमियर लिग (एनपीएल)को लिग अन्तर्गतको अन्तिम खेलमा कर्णाली याक्सलाई ६ विकेटले हराउँदै सुदूरपश्चिमपश्चिम शीर्ष स्थान पक्का गरेको छ। सुदूरपश्चिमसँग पराजित भएपनि कर्णाली रनरेटमा शीर्ष ४ मा समेटिँदा प्लेअफ भने पक्का गरेको छ। यो जितसँगै क्‍वालिफार्यसमा सुदूरपश्चिमले जनकपुरसँग भेट्नेछ।

दाङको लमही नगरपालिका वडा नम्बर ९ मा मिनी बस दुर्घटना हुँदा दुई जनाको मृत्यु भएको छ भने १२ जना घाइते भएका छन्। लमहीको च्याउ खोला भन्ने स्थानमा सोमबार बिहान ६ बजे लु१ज ४२९८ नम्बरको विङ्गर मिनी बस दुर्घटना भएको हो।

नेपाल पत्रकार महासंघको पदाधिकारीमा पहिलोपटक थारू समुदायका पत्रकार निर्वाचित भएका छन्। दाङ निवासी सबिन कुमार चौधरी ‘सबिन प्रियासन आदिवासी जनजाति समूहबाट सचिवमा निर्वाचित भएका हुन्।

नेपाल आयल निगमले पेट्रोलको मूल्य बढाएको छ भने डिजेल र मट्टितेलको मूल्य घटाएको छ । निगम सञ्चालक समितिको आजको बैठकले राति १२ बजेदेखि लागू हुने गरी पेट्रोलमा प्रतिलिटर दुई रुपैयाँ तथा डिजेल र मट्टितेलमा प्रतिलिटर दुई रुपैयाँ घटाएको हो ।

काठमाडौं : नेपाल प्रिमियर लिगमा सुदूरपश्चिम रोयल्सले पोखरा एभेन्जर्सलाई हराउँदै प्लेअफमा पुगेको छ। टियु क्रिकेट मैदानमा पोखरालाई ५ रनले हराउँदै सुदूरपश्चिमले प्लेअफ स्थान सुरक्षित गरेको हो। सुदूरपश्चिमले दिएको १५४ रनको लक्ष्य पछ्याएको पोखरा १९.४ ओभरमा १४८ रन बनाउँदै अलआउट भएको हो।

कैलालीको टीकापुर विमानस्थल आइतबारदेखि नियमित सञ्चालनमा आएको छ। यो विमानस्थल २७ वर्षदेखि बन्द थियो। आइतबार तारा एयरको वाइटी १७०१ नम्बरको ट्वीनअटर विमानमा चालक दलका तीनसहित ६ कर्मचारी र १२ यात्रु बोकेर दिउँसो १:४४ बजे टीकापुर विमानस्थलमा अवतरण गरेको हो।

पश्चिम नवलपरासीको सुस्तामा गत बिहीबार साँझ गोली प्रहार गरी हत्या गरेको आरोपमा प्रहरीले तीन जनालाई पक्राउ गरेको छ। सुस्ता गाउँपालिका-२ मुसहर टोल बस्ने २३ वर्षीय रोहन महतोको गोली हानी हत्या गरेको आरोपमा प्रहरीले सुस्ता-२ महलबारी बस्ने २२ वर्षीय विशाल मुसहर, २१ वर्षीय मोहन थारू र १८ वर्षीय साहिल थारूलाई...