यी हुन् थारू समुदायका निर्वाचित पहिलो थारू सांसदहरू
के तपाईंलाई थाहा छ, नेपालको पहिलो संसदीय निर्वाचनमा पनि थारूहरू निर्वाचित भएका थिए नि। हो, विसं २०१५ सालमा भएको संसदीय निर्वाचनबाट चार जना थारूहरू निर्वाचित भएका थिए। जसमा नेपाली कांग्रेसका दुई जना, नेपाल राष्ट्रवादी परिषदबाट एक जना र एक जना स्वतन्त्र उम्मेदवार निर्वाचित भएका थिए।
नेपाल गजेटअनुसार कांग्रेसका चैतुलाल चौधरी मोरङ विराटनगर पूर्व र परशुनारायण चौधरी दाङबाट निर्वाचित भएका थिए। त्यस्तै नेपाल राष्ट्रवादी परिषदबाट मुनिलाल थारु पर्सा पश्चिमबाट र स्वतन्त्र उम्मेदवार हरिलाल चौधरी सप्तरी पश्चिमबाट विजयी भएका थिए।
ऐतिहासिक निर्वाचनबाट दुई तिहाइ मतसहित विजयी भएको कांग्रेसका तर्फबाट वीपी कोइराला प्रधानमन्त्री बनेका थिए। उनको मन्त्रिपरिषदमा परशुनारायण चौधरी शिक्षा मन्त्री बनेका थिए। यस्तै जानकारीका लागि थारुवानको पेजलाई फलो गर्न नबिर्सिनुस् है।
Facebook Comment