काठमाडौं : स्थानीय तहको निर्वाचन वैशाख ३० गते सम्पन्न हुँदैछ। निर्वाचनका लागि ७२ घन्टे मौन अवधि आज राति १२ बजेपछि सुरु पनि हुँदैछ। आसन्न स्थानीय निर्वाचनमा थारु बाहुल्य रहेको पालिकामा कसले जित्ने भन्ने आम चासोको विषय बनेको छ।

कारी महतो चितवन : खैरहनी नगरपालिका वडा नं. ८ मा रहेको बाबा ग्याँस प्लान्टको पछाडिबाट बग्ने कुलोमा बग्ने पानीले हरेक वर्षको वर्षायाममा पर्सा बजारलाई नै डुबानमा पार्ने गरेको छ। वर्षभरि पानी बग्ने त्यस कुलोमा क्यानेइङ परियोजना आउने भएको छ।

आसन्न स्थानीय तह निर्वाचनमा तीन जना थारु महिला पालिका हाँक्न उम्मेदवार बनेका छन्। नेकपा एमालेबाट सरस्वती चौधरीले जितपुर सिमरा उपमहानगरपालिकामा आफ्नो दाबेदारी पेश गरेकी छन्। यसअघि उपमेयरसमेत रहेकी सरस्वती चौधरीले विकसित पालिका बनाउने प्रतिवद्धता जनाएकी छन्।

कारी महतो चितवन : स्थानीय निर्वाचनमा खैरहनी नगरपालिकाको वडा नं. १० मा एमालेका तर्फबाट निकै अनुभवी मानिएका कारीराम चौधरीले दोस्रो कार्यकालका लागि वडाअध्यक्ष पदमा उम्मेदवारी दिएका छन्। कारीराम चौधरीले २०७४ को निर्वाचनमा वडाअध्यक्ष पदमा विजयी हासिल गरी जनताको मनमस्तिष्कमा बसिसकेका छन्।

बर्दियाको बारबर्दिया नगरपालिकालाई निवर्तमान मेयर दुर्गाबहादुर चौधरीले नमुना पालिकाको रुपमा अगाडि बढाए। थारु बाहुल्य क्षेत्र भएको पालिकामा थारु भाषा, कला र सँस्कृतिको संरक्षण र प्रवर्द्धनका लागि अग्रपंक्तिमा रहेर काम गरे।

बर्दियाको राजापुर नगरपालिकामा प्रमुख पदका लागि ७ जनाले उम्मेदवारी दिएका छन्। थारु बाहुल्य नगरपालिकामा पूर्वसांसददेखि स्वतन्त्र उम्मेदवारले उम्मेदवारी दिएका छन्। निर्वाचन आयोगका अनुसार वैशाख ३० गते हुने चुनावमा माओवादी केन्द्रबाट प्रदेश सांसद दीपेश थारुले उम्मेदवारी दिएका छन्।

दाङको तुलसीपुर उपमहानगरपालिकामा नेकपा एमालेका तर्फबाट वडाध्यक्षका उम्मेदवार लबरू चौधरीको निधन भएको छ। उनी तुलसीपुर वडा नम्बर १७ मा उम्मेदवार थिए। चौधरीको काठमाडौंमा उपचारका क्रममा निधन भएको हो।

भारोत्तोलनकी खेलाडी सन्जु चौधरी बन्द कोठाभित्र झुण्डिएको अवस्थामा मृत फेला परेको पाइएको छ। जिल्ला प्रहरी परिसर, ललितपुरका एसपी सिद्धिविक्रम शाहले उनी बिहान साढे ६ बजे कोठाभित्र झुण्डिएको अवस्थामा फेला परेको बताए।

एसियाली खेलकुदको तयारीमा रहेकी १३ औं दक्षिण एसियाली खेलकुद (साग) की स्वर्ण पदक विजेता सञ्जु चौधरी मृत अवस्थामा फेला परेकी छन्। केही दिन यतादेखि प्रशिक्षणकै क्रममा ललितपुरको महालक्ष्मी नगरपालिका ९ लुभुमा प्रशिक्षक सञ्जय महर्जनको घरमा बस्दै आएकी चौधरी मंगलबार बिहान मृत फेला परेकी प्रहरीले जनाएको छ।