नेकपा एमालेका अध्यक्ष केपी शर्मा ओलीले अन्तर पार्टी निर्देशन जारी गर्दै सुनसरी जिल्ला इन्चार्जमा भगवती चौधरीलाई थप गरेका छन्। जगदीश कुसियतलाई इन्चार्जको जिम्मेवारी दिइएपछि १० वैशाखको बैठकमा असन्तुष्टि जनाउँदै चौधरी बाहिरिएकी थिइन्।

कोरोना संक्रमण बढ्दै गएपछि बाँके र बर्दियामा आजबाट एक साता निषेधाज्ञा लागु हुँदै छ । निषेधाज्ञा मध्यरातिदेखि लागू हुने छ। यसअघि वैशाख ८ गतेदेखि १५ गतेसम्म बाँकेको नेपालगञ्ज उपमहानगर क्षेत्रभित्र मात्र लकडाउनको निर्णय गरिएको थियो।

थरुहट थारुवान राष्ट्रिय मोर्चाले आफ्नो तेस्रो चरणको आन्दोलनअन्तर्गत आयोजना हुने जनसभाहरु स्थगित गरेको छ। मोर्चाका प्रवक्ता मिनराज चौधरीका अनुसार नेपालमा बढ्दै गरेको कोरोना महामारी र स्थानीय प्रशासनहरुले लगाएका निषेधका कारण सभाहरु स्थगित गरिएका हुन्।

प्रधानमन्त्री केपी शर्मा ओलीले नेपालीको भावना र गौरव, अतीत र इतिहास जोडिएको धरहरा निर्माण सम्पन्न हुँदा खुसी लागेको बताएका छन्।

बर्दियाको राजापुर हुने भनिएको थरुहट थारुवान राष्ट्रिय मोर्चाको जनसभा स्थगित गरिएको छ। जनसभाको तयारी सम्पन्न भए पनि दोस्रो लहरको कोरनाका कारण सथगित गर्नुपरेको जिल्ला कार्यसिमित बर्दियाका मदन थारुले जानकारी दिए।

लखन चौधरी/कैलाली। थरुहट नेता लक्ष्मण थारुले सरकार र थरुहट पक्षबीच जारी वार्ताप्रति आशंका व्यक्त गरेका छन्। थारुहरुसँगको वार्ता नौटंकी मात्रै रहेको बताउँदै उनले हालसम्म एउटा पनि बुँदामा सहमति हुन नसकेको भन्दै टिप्पणी गरेका छन्।

नेकपा एमालेले २६५ सदस्यीय राष्ट्रिय महाधिवेशन आयोजक कमिटीका सदस्यहरुको कार्यविभाजन गरेको छ। जसअन्तर्गत थारु नेताहरुको कार्यविभाजन गरिएको छ।

कञ्चनपुरको बेलौरीमा थरुहट थारुवान राष्ट्रिय मोर्चाले बृहत् आमसभा गर्ने भएको छ। वैशाख २० गते हुने भनिएको भेलामा स्थानीय तथा शीर्ष थारु नेताहरुले सम्बोधन गर्ने कार्यक्रम रहेको मोर्चाका केन्द्रीय सदस्य प्रमवति रानाले जानकारी दिइन्।

मुक्त कमलरीहरुले कैलालीको जोशीपुर गाउँपालिकामा धर्ना दिएका छन्। उनीहरुले विभिन्न माग राखी गाउँपालिका कार्यालय अगाडि नाराबाजीसमेत गरेका छन्।